Мадриднинг “Реал” клуби футболчиси Винисиус Жуниор Саудий Арабистони клубларининг қизиқишлари доирасида бўлиб турибди. Журналист Бен Жейкобснинг хабарига кўра, ушбу мамлакатнинг клубларидан бири футболчига 350 миллион евролик таклиф тайёрланмоқда. Бу эса футбол тарихидаги энг йирик трансфер бўлиши мумкин.
Ҳозирча футбол тарихидаги энг қиммат трансфер 2017 йилда қайд этилган бўлиб, “ПСЖ” “Барселона”дан Неймарни 222 миллион еврога сотиб олган эди. Саудияликлар эса бу рекордни янгилашни мақсад қилган.
Винисиуснинг “Реал” билан амалдаги шартномаси яна икки йилга мўлжалланган бўлса-да, футболчининг келажаги мавҳумлигича қолмоқда. Манбаларга кўра, бразилиялик футболчи ва клуб ўртасидаги янги шартнома борасидаги музокаралар боши берк кўчага кириб қолган. Шу боис кўплаб нашрлар футболчи “қироллик клуби”ни тарк этиши мумкинлиги ҳақида ёзмоқда.
Шунингдек, Винисиус ва клуб бош мураббийи Хаби Алонсо ўртасидаги муносабатлар илиқ эмаслиги айтилмоқда. Бундан ташқари, футболчи жамоа раҳбариятидан маошини сезиларли даражада оширилишини талаб қилмоқда.
Ушбу хабарлар фонида Саудия Арабистони клуби футболчини ўз сафига қўшиб олиш учун ҳаракат бошлади.
Изоҳ (0)