Madridning “Real” klubi 2025-yilgi Klublar o‘rtasidagi Jahon chempionati yarim finalida “PSJ”ga 0:4 hisobida mag‘lub bo‘ldi. Bu natijadan so‘ng jamoaning ayrim futbolchilari, jumladan Vinisius Juniorning o‘yini tanqid ostiga olindi.
Braziliyalik futbolchi turnir davomida kutilgan darajada o‘yin ko‘rsata olmadi. Klub rahbariyati ayniqsa uning Mbappe bilan o‘zaro tushunmovchiliklari va motivatsiya yetishmovchiligidan xavotirda.
Fichajes nashrining yozishicha, Vinisius endi klub ichida “almashtirib bo‘lmas futbolchi” sifatida ko‘rilmayapti. “Real” prezidenti Florentino Peresning unga bo‘lgan ishonchi kamaygan.
Vinisiusning “Real” bilan shartnomasi 2027-yilgacha amal qiladi. Ammo klub hozircha uni sotadimi yoki yo‘qmi — bu borada hali yakuniy qarorga kelmagan. Shu sababli, futbolchining jamoadagi kelajagi hozircha noaniq.
Ma’lumot uchun, Vinisius Junior AQSH maydonlarida o‘tgan Klublar o‘rtasidagi Jahon chempionatida 6 ta uchrashuvda maydonga tushib, o‘z hisobiga 1 gol va 1 assist yozdirib qo‘ygan. Transfermarkt portali hujumchining qiymatini 170 million yevroga baholamoqda.
Izoh (0)