Futbol bo‘yicha O‘zbekiston Superligasining 15-turidan o‘rin olgan uchrashuvlar 4-iyul, juma kuni bo‘lib o‘tdi.
Bugungi kunga ikkita bahs belgilangan edi. Ularning dastlabkisi Jizzaxda kechdi – “So‘g‘diyona” – “Qo‘qon-1912” jamoalari o‘rtasida.
Birinchi bo‘limning 36-daqiqasida qo‘qonliklar darvozasi tomon belgilangan penaltini Lyupcho Doriyev aniq amalga oshirdi. Oradan 5 daqiqa o‘tib Doriyev dublga erishdi.
Ikkinchi bo‘limning ilk daqiqalaridan mehmonlar hujumga o‘tdi va 47-daqiqada Muhammadanas Hasanov hisobni qisqartirdi. Mazkur hisob boshqa o‘zgarmadi.
Ushbu g‘alaba bilan jizzaxliklar 16 ochko bilan 11-o‘rinni egallab turibdi. Qo‘qonliklar esa 12 ochko bilan 15-pog‘onadan joy olgan.
Navbatdagi bahs esa Surxondaryoda – “Surxon” – “Buxoro” klublari ishtirokida o‘tkazildi.
Uchrashuvda ko‘plab vaziyatlar yaratildi, ammo ulardan naf chiqmadi. Shunday qilib har ikki jamoa ham bir ochkodan bo‘lishib oldi.
Mazkur durangdan so‘ng surxondaryoliklar 18 ochko bilan 8-o‘rinda bo‘lsa, buxoroliklar 13 ochko bilan 14-pog‘onanini egallab turibdi.
Superliga
15-tur
4-iyul, juma
“Surxon” — “Buxoro” 0:0
Umuman olganda bugungi bellashuvlardan so‘ng musobaqa jadvali quyidagicha:
Izoh (0)