Transfermarkt portali O‘zbekiston Superligasida harakat qiladigan futbolchilarning transfer qiymatlarini yangiladi. Unga ko‘ra, Igor Sergeyevning transfer summasi 200 ming yevroga oshib, 1 million yevroga yetdi. Tajribali hujumchi to‘rt yildan so‘ng “Paxtakor”ga qaytib, yuqori samaradorligini yana isbotladi — 12 o‘yinda 10 gol va 2 assist qayd etdi. Shu bilan u Superligadagi transfer qiymati 1 million yevrogacha yetgan yettinchi futbolchi bo‘ldi.
Hozirda “Nasaf”dan darvozabon Abduvohid Ne’matov va yarim himoyachi Akmal Mozgovoy O‘zbekiston chempionatidagi eng qimmat futbolchilar hisoblanadi. Ularning transfer qiymati Transfermarkt portali tomonidan 1,5 million yevro deb baholangan.
Shuningdek, Sherzod Nasrullayev (“Nasaf”), Odil Hamrobekov (“Bunyodkor”) va Lyupcho Doriyev (“So‘g‘diyona”) transfer qiymati 1,2 million yevro atrofida baholangan.
O‘zbekiston Superligasida harakat qilayotgan eng qimmat 10 futbolchi:
- Abduvohid Ne’matov — 1,5 million yevro
- Akmal Mozgovoy — 1,5 million yevro
- Sherzod Nasrullayev — 1,2 million yevro
- Odil Hamrobekov — 1,2 million yevro
- Lyupcho Doriyev — 1, 2 million yevro
- Xurshid G‘iyosov — 1 million yevro
- Igor Sergeyev — 1 million yevro
- Jamshid Iskandarov — 900 ming yevro
- Ibrohimhalil Yo‘ldoshev — 800 ming yevro
- Oybek Bozorov — 800 ming yevro
Narxi eng ko‘p oshgan futbolchi — “Navbahor” himoyachisi Gilyerme Gedesh bo‘ldi. Braziliyalik futbolchining transfer qiymati yangilangan ro‘yxatda 400 ming yevroga oshdi. Gedesh 2025-yilning qishki transfer oynasida Braziliya chempionatining 4-divizioni (Serie D)dan “Navbahor” safiga qo‘shilgan edi.
Shuningdek, 6 nafar futbolchining transfer qiymati 200 ming yevroga ko‘tarildi. Ular: Akmal Mozgovoy, Igor Sergeyev, Ruslanbek Jiyanov, Abbos G‘ulomov, Shohmalik Komilov va Husayn Norchayev.
Alisher Odilov, Nodirbek Abdurazzoqov va Muhammadali O‘rinboyev esa qiymatini 150 ming yevroga oshirib, eng yaxshi o‘ntalikka kirishdi.
Narxi eng ko‘p qimmatlashgan 10 futbolchi:
- Gilyerme Gedesh — +400 ming yevro
- Akmal Mozgovoy — +200 ming yevro
- Igor Sergeyev — +200 ming yevro
- Ruslanbek Jiyanov — +200 ming yevro
- Abbos G‘ulomov — +200 ming yevro
- Shohmalik Komilov — +200 ming yevro
- Husayn Norchayev — +200 ming yevro
- Alisher Odilov — +150 ming yevro
- Nodirbek Abdurazzoqov — +150 ming yevro
- Muhammadali O‘rinboyev — +150 ming yevro
Transfermarkt portaliga ko‘ra, O‘zbekiston Superligasidagi bir qator futbolchilarning transfer qiymatida jiddiy pasayish kuzatildi. Eng katta kamayishlar “Paxtakor” va “So‘g‘diyona” futbolchilarida qayd etildi.
Jizzax klubi himoyachisi Islomjon Qobilov mavsum boshidan o‘z o‘yinini topa olmadi va jamoasi bilan birga musobaqa jadvalining pastki qismida qolmoqda. Natijada uning transfer qiymati 200 ming yevroga tushib, 600 ming yevroga baholanmoqda.
“Paxtakor” futbolchilarining transfer qiymatlari ham sezilarli darajada pasaydi. Quyidagi futbolchilar qiymati kamaydi:
- Flamarion: −200 ming, hozir 400 ming yevro
- Jonatan: −200 ming, hozir 300 ming yevro
- Dostonbek Hamdamov: −150 ming, hozir 600 ming yevro
- Diyor Holmatov: −150 ming, hozir 600 ming yevro
- Abdurauf Bo‘riyev: −100 ming, hozir 500 ming yevro
- Muhammadqodir Hamraliyev: −100 ming, hozir 500 ming yevro
- Brayan Riaskos: −100 ming, hozir 450 ming yevro
- Ulug‘bek Hoshimov: −100 ming, hozir 250 ming yevro
- Otabek Jo‘raqo‘ziyev: −100 ming, hozir 250 ming yevro
O‘tgan mavsumda “So‘g‘diyona” va hozir “Neftchi” jamoalarida faoliyat yuritayotgan Vladimir Yovovichning transfer qiymati ham 150 ming yevroga kamayib, 600 ming yevroga yetdi.
Transfer qiymati eng ko‘p pasaygan futbolchilar reytingi:
- Islomjon Qobilov (“So‘g‘diana”) — -200 ming yevro (600 ming yevroga tushdi)
- Flamarion (“Paxtakor”) — -200 ming yevro (400 ming yevroga tushdi)
- Jonatan (“Paxtakor”) — -200 ming yevro (300 ming yevroga tushdi)
- Dostonbek Hamdamov (“Paxtakor”) — -150 ming yevro (600 ming yevroga tushdi)
- Diyor Holmatov (“Paxtakor”) — -150 ming yevro (600 ming yevroga tushdi)
- Vladimir Yovovich (“Neftchi”) — -150 ming yevro (600 ming yevroga tushdi)
- Islom Mashukov (“Andijon”) — -150 ming yevro (600 ming yevroga tushdi)
- Azizbek Omonov (“Bunyodkor”) — - 150 ming yevro (450 ming yevroga tushdi)
- Shohruh Abduramonov (“So‘g‘diyona”) — - 150 ming yevro (250 ming yevroga tushdi)
- Humoyun Sherbo‘tayev (“Surxon”) — - 150 ming yevro (250 ming yevroga tushdi)
Ma’lumot uchun, ayni paytda eng qimmat o‘zbekistonlik futbolchi Abduqodir Husanov hisoblanadi. Uning transfer narxi 35 million yevroni tashkil qiladi.
Izoh (0)