“Manchester Siti” klubi Germaniyaning mashhur sport brendi Puma bilan hamkorlikni uzaytirganini e’lon qildi. Bu haqda “shaharliklar” matbuot xizmati rasman xabar berdi.
Yangi kelishuvga ko‘ra, Puma “Manchester Siti”ning texnik homiysi sifatida faoliyat yuritishda davom etadi va bu shartnoma 2034/35-yilgi mavsumgacha amal qiladi. Bitim klubga har yili 100 million yevro daromad keltiradi — bu Angliya futboli tarixidagi eng yirik texnik hamkorlik shartnomasi hisoblanadi.
Eslatib o‘tamiz, “Siti” va Puma o‘rtasidagi hamkorlik 2019/20-yilgi mavsumda boshlangan edi. O‘tgan yillar davomida nemis brendi nafaqat asosiy jamoa uchun, balki klub akademiyasi va ayollar jamoasi uchun ham sport liboslarini ta’minlab kelmoqda.
2024/2025-yilgi Angliya Premer Ligasi mavsumida Xosep Gvardiola boshchiligidagi “Manchester Siti” uchinchi o‘rinni egallab, bronza medallariga ega chiqdi. Shuningdek, “shaharliklar” Chempionlar Ligasi pley off bosqichida “Real”ga mag‘lub bo‘lib, turnir bilan xayrlashdi. Angliya Kubogi finalida esa “Kristal Pelas” “Siti” ustidan 1:0 hisobida g‘alaba qozonib, bosh sovringa ega chiqdi.
Izoh (0)