Klublar o‘rtasidagi Jahon chempionatining chorak final uchrashuvlari 4–5-iyul kunlari o‘tkazildi.
Dastlabki bahs Braziliyaning “Fluminense” hamda Saudiya Arabistonining “Al-Hilol” jamoalari o‘rtasida bo‘lib o‘tdi.
Uchrashuvda hisob braziliyaliklar tomonidan ochildi. Martinellning 40-daqiqada urgan goliga saudiyaliklar 51-daqiqada Markos Leonardoning goli bilan javob berdi.
70-daqiqada Erkules “Fluminense”ga g‘alaba keltirgan golni urdi va jamoa yarim finalga yo‘l oldi.
Navbatdagi bahs esa Angliyaning “Chelsi” hamda Braziliyaning “Palmeyras” klublari ishtirokida o‘tdi.
16-daqiqada Palmer gol urgan bo‘lsa, 53-daqiqada Estevao hisobni tenglashtirdi. 83-daqiqada Veverton o‘z darvozasiga to‘p kiritib qo‘ydi va londonliklar yarim finalning ikkinchi ishtirokchisi bo‘ldi.
“Fluminense” – “Chelsi” bahsi 8-iyul kuni Toshkent vaqti bilan 00:00 da start oladi.
Izoh (0)