Klublar o‘rtasidagi Jahon chempionatining ikkinchi tur uchrashuvlari boshlandi. 21-iyundan 22-iyunga o‘tar kechasi navbatdagi 3 ta bahs bo‘lib o‘tdi.
E guruhi doirasidagi “Inter” — “Urava” uchrashuvi juda murosasiz va qizg‘in tarzda kechdi. Dastlab hisobni Yaponiya klubi ochdi. Biroq o‘yin yakuniga yaqin milanliklar ketma-ket ikkita gol urib, dramatik tarzda g‘alabani qo‘lga kiritdi va turnirdagi dastlabki 3 ochkosini qo‘lga kiritdi.
Bahsning 11-daqiqasida Rema Vatanabe hisobni ochdi. 78-daqiqada Lautaro Martines tablodagi natijani tenglashtirdi, 90+2-daqiqada esa Valentin Karboni “Inter”ning g‘alaba goliga mualliflik qildi. Yakuniy natija o‘yin oxirigacha o‘zgarmadi — “Inter” musobaqadagi ilk g‘alabasini qo‘lga kiritdi. “Urava” esa hozircha ochkosiz qolmoqda.
E guruhi doirasidagi yana bir o‘yin Argentinaning “River Pleyt” hamda Meksikaning “Monterrey” klublari o‘rtasida o‘tkazildi. Teng kurashlar ostida kechgan bahsda gollar kiritilmadi va o‘yin 0:0 hisobidagi durang bilan yakunlandi.
2-tur yakunlariga ko‘ra, “River Pleyt” va “Inter” 4 ochkodan to‘plab, guruh peshqadamiga aylandi. “Monterrey” 2 ochko bilan uchinchi o‘rinda bormoqda. “Urava” hisobida esa hanuzgacha ochko yo‘q.
F guruhi bahslarida ham ikkinchi tur o‘yinlari o‘tkazildi. Braziliyaning “Fluminense” va Janubiy Koreyaning “Ulsan” klublari o‘rtasidagi uchrashuv gollarga boy kechdi. Birinchi taymdan keyin 2:1 hisobida oldinda borayotgan koreyaliklar ikkinchi bo‘limda 3 ta gol o‘tkazib yuborib, alamli mag‘lubiyatga uchradi.
Mazkur natijadan so‘ng “Fluminense” 4 ochko bilan “Borussiya D” bilan birgalikda F guruhida peshqadamlik qilmoqda. Janubiy Afrikaning “Mamelodi Sandaunds” jamoasi 3 ochko bilan uchinchi pog‘onada joylashgan. “Ulsan” esa hozircha ochkoga ega emas.
Klublar o‘rtasidagi Jahon chempionati
2-tur
E guruhi
“Inter” — “Urava” 2:1
Gollar: 0:1 — Vatanabe, 1:1 — Martines (78), 2:1 — Karboni (90+2).
“River Pleyt” — “Monterrey” 0:0
“Fluminense” — “Ulsan” 4:2
Gollar: 1:0 — Arias (27), 1:1 — Li Jin Xyon (37), 1:2 — Um Von Sang (45+3), 2:2 — Nonata (66), 3:2 — Freytes (83), 4:2 — Keno ((90+2).
Izoh (0)