Shavkat Mirziyoyev davlat tashrifi bilan Qozog‘istonga boradi. Bu haqda prezident matbuot kotibi xabar berdi.
Ma’lum qilinishicha, 26-iyuldan qisqa muddatli mehnat taʼtiliga chiqqan davlat rahbari 5-avgust kuni mehnat ta’tilidan qaytdi.
Hafta davomida Shavkat Mirziyoyev huzurida ijtimoiy-iqtisodiy kun tartibidagi muhim masalalar yuzasidan yig‘ilishlar o‘tkazilishi ko‘zda tutilgan.
Shuningdek, prezident davlat tashrifi bilan Qozog‘istonda bo‘lishi, Ostona shahrida Markaziy Osiyo davlatlari rahbarlarining navbatdagi Maslahat uchrashuvida hamda “Markaziy Osiyo + Yaponiya” formatidagi sammitda ishtirok etishi rejalashtirilgan.
Hafta yakunida Yaponiya bosh vaziri Fumio Kisida rasmiy tashrif bilan O‘zbekistonga kelishi kutilmoqda.
Shavkat Mirziyoyev 2024-yilning 3—4-iyul kunlari amaliy tashrif bilan Ostona shahrida bo‘lgandi. Davlat rahbari Shanxay hamkorlik tashkiloti davlat rahbarlari kengashining navbatdagi majlisi va “SHHT plyus” formatidagi uchrashuvda ishtirok etdi. Davlat tashrifi bilan esa Qozog‘istonga so‘nggi marta 2021-yilning dekabrida borgandi.
Izoh (0)