Toshkent viloyati Yangiyo‘l tumanida so‘mlik elektr energiyasidan noqonuniy foydalangan savdo do‘koni va avtomobillarni yuvish shoxobchasi aniqlandi, deb xabar beradi Bosh prokuratura huzuridagi departament.
Qayd etilishicha, departamentning Yangiyo‘l tuman bo‘limi tomonidan tergovga qadar tekshiruv o‘tkazilgan. Tekshiruv davomida YTT J.D. tuman elektr taʼminoti korxonasi sobiq muhandisi O.T. bilan o‘zaro til biriktirib, “Navbahor” MFY hududidagi savdo do‘koni va avtomobillarni yuvish shoxobchasida umumiy foydalanishdagi elektr tarmog‘iga tijorat maqsadida o‘zboshimchalik bilan ulanib, davlat va jamiyat manfaatlariga 544,8 million so‘m zarar yetkazgani aniqlangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq O‘zbekistonda bir oyda 234,7 milliard so‘mlik energiya resurslaridan noqonuniy foydalanilgani aniqlangani to‘g‘risida xabar berilgandi.
Izoh (0)