Шавкат Мирзиёев давлат ташрифи билан Қозоғистонга боради. Бу ҳақда президент матбуот котиби хабар берди.
Маълум қилинишича, 26 июлдан қисқа муддатли меҳнат таътилига чиққан давлат раҳбари 5 август куни меҳнат таътилидан қайтди.
Ҳафта давомида Шавкат Мирзиёев ҳузурида ижтимоий-иқтисодий кун тартибидаги муҳим масалалар юзасидан йиғилишлар ўтказилиши кўзда тутилган.
Шунингдек, президент давлат ташрифи билан Қозоғистонда бўлиши, Остона шаҳрида Марказий Осиё давлатлари раҳбарларининг навбатдаги Маслаҳат учрашувида ҳамда “Марказий Осиё + Япония” форматидаги саммитда иштирок этиши режалаштирилган.
Ҳафта якунида Япония бош вазири Фумио Кисида расмий ташриф билан Ўзбекистонга келиши кутилмоқда.
Шавкат Мирзиёев 2024 йилнинг 3—4 июль кунлари амалий ташриф билан Остона шаҳрида бўлганди. Давлат раҳбари Шанхай ҳамкорлик ташкилоти давлат раҳбарлари кенгашининг навбатдаги мажлиси ва “ШҲТ плюс” форматидаги учрашувда иштирок этди. Давлат ташрифи билан эса Қозоғистонга сўнгги марта 2021 йилнинг декабрида борганди.
Изоҳ (0)