2024-yilning 1-iyul holatiga O‘zbekistonda 1 kvadrat kilometr yer maydoniga o‘rtacha 82,7 nafar doimiy aholi soni to‘g‘ri keladi. Bu haqida Statistika agentligi xabar qildi.
Bu o‘tgan yilning mos davriga nisbatan solishtirilganda o‘rtacha 1,7 kishiga ortgan. 2023-yil 1-iyul holatiga kvadrat kilometrga 81 kishi to‘g‘ri kelgan.
Avvalroq O‘zbekistonda doimiy aholi soni har kuni o‘rtacha 1,8 ming kishiga oshayotgani ma’lum qilingandi.
Statistika agentligi ma’lumotlariga ko‘ra, 2024-yilning 1-iyul holatiga respublikaning doimiy aholisi 37 134,2 ming kishini tashkil etgan. Doimiy aholi soni o‘tgan yilning mos davri bilan solishtirilganda 2,1 foizga oshgan.
Aholining qariyb 18 million 696 ming nafari erkaklar, 18 million 437 ming nafari ayollar hissasiga to‘g‘ri keladi.
Izoh (0)