Toshkent viloyati Yangiyo‘l tumanida ichimlik suviga noqonuniy ulangan firma rahbari 5 yilga qamaldi. Bu haqda “Toshkent viloyati suv ta’minoti” xabar berdi.
Unga ko‘ra, suv ta’minot korxonasi bilan ikki tomonlama shartnoma tuzmasdan ichimlik suvi tarmog‘iga ulanib foydalangani uchun Yangiyo‘l tumanida faoliyat yurituvchi “HTB-AS invest” MCHJ korxonasiga 294 511 319 so‘m hisob-kitob qilingan.
Ushbu xatti-harakat uchun “HTB-AS invest” MCHJ rahbari A.X. Jinoyat kodeksining 169-moddasi 3-qismi “v” bandida nazarda tutilgan jinoyatni sodir etganlikda aybdor deb topilib, 5 yil 1 oy muddatda ozodlikdan mahrum qilindi.
Shuningdek, unga Jinoyat kodeksining 57-moddasi qo‘llanilib, bazaviy hisoblash miqdorining 150 barobar miqdorida, ya’ni 45 000 000 so‘m jarima jazosi tayinlandi.
Izoh (0)