O‘zbekiston Respublikasi prezidentining 2021-yil 16-iyundagi “Davlat organlari va tashkilotlarining faoliyati ochiqligini taʼminlash, shuningdek, jamoatchilik nazoratini samarali amalga oshirishga doir qo‘shimcha chora-tadbirlar to‘g‘risida”gi farmonida davlat organlari va tashkilotlari 1-aprelga qadar o‘tgan yildagi o‘z faoliyatiga oid hisobotni jamoatchilik ishtirokida muhokama qilish uchun matbuot anjumanlarini o‘tkazishi belgilangan.
Shunga muvofiq, “Biznesni rivojlantirish banki” 2024-yildagi faoliyati yuzasidan jamoatchilikka hisobot berdi. Bank tomonidan norasmiy muloqot platformasi sifatida tashkil qilingan “BRB do‘stlari” klubi doirasida o‘tkazilgan tadbirda bank erishgan asosiy iqtisodiy ko‘rsatkichlar, biznes rivoji uchun yo‘naltirilgan sarmoyalar, xalqaro hamkorlik natijalari va tatbiq qilingan loyihalar haqida axborot berildi.
Qayd etilishicha, 2025-yil 1-yanvar holatiga bankning umumiy kapitali yil boshiga nisbatan 35,1 foizga o‘sib 4 trln 295 mlrd 500 mln so‘mga yetdi. Shuningdek, bankning daromad keltiruvchi aktivlari yil boshiga nisbatan 12,8 foizga o‘sdi.
Matbuot anjumanida taʼkidlanganidek, “Biznesni rivojlantirish banki” aholining turmush farovonligini oshirish, kambag‘allikni qisqartirishga qaratilgan aniq manzilli iqtisodiy islohotlarning faol ishtirokchisi bo‘lib kelmoqda. Bankning kredit qo‘yilmalari 22 trln 530 mlrd 800 mln so‘mga yetdi. Bu ko‘rsatkich o‘tgan yilga nisbatan 730 mlrd 200 mln so‘mga yoki 3,3 foizga o‘sishiga erishilgan.
Bank 2024-yilda barcha manbalar hisobidan 7 trln so‘m miqdorida kredit mablag‘lari ajratdi.
“Kichik biznesni uzluksiz qo‘llab-quvvatlash” kompleks dasturining asosiy tayanch banki sifatida kichik biznesni qo‘llab-quvvatlashga, yangi ish o‘rinlari va aholi uchun qo‘shimcha daromad manbalarini yaratishga sarmoyalar kiritmoqda. Xususan, Dastur doirasida 17 676 ta tadbirkorga 1,7 trln. so‘m kredit yo‘naltirilgan.
-Rgerhf7g.avif)
“Biznesni rivojlantirish banki”ga respublika bo‘yicha biriktirilgan 648 ta mahallalarda o‘tgan yilda jami 1 trln 500 mlrd so‘m kredit ajratilgan. Natijada 473 ming nafar aholi bandligi taʼminlandi. Shundan 70 ming nafari doimiy ishga joylashtirildi va 403 ming nafari tadbirkorlikka jalb qilindi.
Xotin-qizlar tadbirkorligini qo‘llab-quvvatlash maqsadida 18 866 nafar ayollarga 919,8 mlrd so‘m, bankka biriktirilgan mahallalarda 1 868 nafar ayollarga 122,9 mlrd so‘m kredit ajratildi. Natijada 3 862 ta yangi ish o‘rni yaratildi.
Bank va Yaponiyaning Yamagata universiteti hamkorligida ishga tushirilgan “Biznes-portal.uz” platformasi orqali 10 ming nafar tadbirkor o‘qitildi. Saralab olingan 24 nafar mahalliy mentorlar Yaponiyada malaka oshirib, xalqaro sertifikatga ega bo‘ldi.
O‘tgan yili bank tomonidan 112,3 mln AQSH dollari miqdoridagi xorijiy kredit liniyalari mablag‘lari jalb qilindi.
Muloqotda bank tizimida korrupsiyaga qarshi kurashish borasida amalga oshirilayotgan chora-tadbirlar, tomorqa biznesini rivojlantirishga qaratilgan loyihalar haqida ham taqdimotlar o‘tkazildi.
-7-yBQtxX.avif)
Bank hisoboti va taqdimotlar qizg‘in muhokama qilindi. Ommaviy axborot vositalari va jamoatchilik vakillari o‘zlarini qiziqtirgan savollarga javob olishdi hamda bank faoliyatiga doir takliflarini bildirishdi.
Reklama huquqi asosida.
Izoh (0)