Andijon viloyatining Asaka tumanida fermer xo‘jaliklariga qarashli suv nasoslarni elektr tarmog‘iga yashirincha ulab, 489 mln so‘mlik elektr energiyasidan noqonuniy foydalanish holatlari aniqlandi. Bu haqda “O‘zenergoinspeksiya” xabar berdi.
Maʼlum qilinishicha, Asakada joylashgan “T.A.Ch” va “N.O.Z.” fermer xo‘jaliklariga tegishli bo‘lgan dala maydonlariga o‘rnatilgan suv nasoslari o‘zboshimchalik bilan tarmoqqa to‘g‘ridan to‘g‘ri ulab, elektr energiyasidan noqonuniy foydalanganligi aniqlandi.
Dastlabki hisob-kitoblarga ko‘ra, davlat manfaatlariga yetkazilgan zarar miqdori 489 mln so‘mni tashkil etgan.
Mazkur holatlar yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Izoh (0)