Futbol bo‘yicha O‘zbekiston Kubogining nimchorak finalidan o‘rin olgan uchrashuvlar 2-iyul, chorshanba kuni o‘tkazildi.
Bugungi kunga ikkita o‘yin belgilangan edi. Ulardan biri Toshkentda – “Paxtakor” – “Olimpik mobiuz” o‘rtasida kechdi.
O‘yinda hisob 44-daqiqada ochildi. Brayan Riaskosning goli “sherlar”ga g‘alaba keltirayotgan edi. 66-daqiqaga kelib Bunyodbek Rahimov hisobni tenglashtirdi. 81-daqiqada esa Riaskos dubl qayd etib, jamoasini hisobda oldinga olib chiqdi.
O‘yin yakuniga qadar hisob o‘zgarmadi va “Paxtakor” chorak finalga yo‘l oldi.
O‘zbekiston Kubogi
Nimchorak final
2-iyul, chorshanba
“Paxtakor” — “Olimpik mobiuz” 2:1
Gollar: Brayan Riaskos, 44 (1:0), Bunyodbek Rahimov, 66 (1:1), Brayan Riaskos, 81 (2:1)
Navbatdagi bahs esa Jizzaxda – “Xorazm” – “Navbahor” o‘rtasida o‘tkazildi.
49-daqiqada Igor Gabriel hisobni ochgan bo‘lsa, 80-daqiqaga kelib Abbosjon G‘ulomov hisobni ikkitaga oshirdi.
83-daqiqada esa Shahram Samiyev hisobni qisqartirdi. Oradan yana 4 daqiqa o‘tib G‘ulomov dubl qayd etdi va namanganliklarning g‘alabasini taʼminladi.
O‘zbekiston Kubogi
Nimchorak final
2-iyul, chorshanba
“Xorazm” — “Navbahor” 1:3
Gollar: Igor Gabriel, 49 (0:1), Abbosjon G’ulomov, 80 (0:2), Shahram Samiyev, 83 (1:2), Abbosjon G’ulomov, 87 (1:3)
Izoh (0)