Gretsiyada voyaga yetmaganlarni tamaki sotib olishga yuborganlar jinoiy javobgarlikka tortiladi. Bu haqda Euronews xabar bermoqda.
Ma`lum qilinishicha, endilikda Gretsiyada alkogol va sigareta mahsulotlarni faqat shaxsni tasdiqlovchi hujjat ko‘rsatilgandagina sotish mumkin.
Gretsiyada voyaga yetmaganlarga sigaret yoki spirtli ichimliklar sotish birinchi marta jinoiy jinoyat sifatida baholanadi. Hukumat juma kuni tegishli qonun loyihasini e’lon qiladi va shu bilan kattalarning bolalar va o‘smirlarni sigaret olib kelishga yuborish odatiga barham beriladi.
Gretsiya sog‘liqni saqlash vaziri Adonis Georgiadis tashabbusning maqsadi yoshlarni zararli odatlardan himoya qilish ekanligini ta’kidlagan.
“Juma kunidan boshlab, qonun loyihasi e’lon qilinishi bilan, biz voyaga yetmaganlarga alkogol va tamaki sotish bo‘yicha hiyla-nayranglardan voz kechamiz, barcha tamaki do‘konlarida jismoniy yoki elektron shaxsni tasdiqlovchi hujjatni ko‘rsatish majburiy talabini joriy etamiz”, deydi Adonis Georgiadis.
Tayyorlanayotgan qonun loyihasi voyaga yetmaganlarga qasddan spirtli ichimlik taklif qilgan barmenlar va ofitsiantlarga qattiq jazo belgilaydi (so‘rovnomaga ko‘ra, 16 yoshli yunonlarning 92 foizi muassasalarda spirtli ichimliklarga oson ega bo‘lish mumkinligi haqida ma’lum qilgan).
Afinaning yoshlar orasidagi zararli odatlarni yo‘q qilish yo‘lidagi jiddiy qadami Yevropa Komissiyasi va ayrim Yevropa Ittifoqi a’zo davlatlarining tamaki mahsulotlariga soliqlarni va shunga mos ravishda narxlarni oshirishga qaratilgan harakatlari fonida amalga oshirilmoqda. Agar bu amalga oshsa, Gretsiyada bir quti sigaretning narxi 6-7 yevroga yetishi mumkin.
E’tiborli jihati shundaki, hozircha Afina iqtisodiyotga salbiy ta’sir va kontrabandaning avj olishidan xavotirlanib, bunday keskin narx oshishiga qarshi chiqmoqda.
2025-yildan boshlab Latviyada 20 yoshdan kichiklarga tamaki mahsulotlari va ularning o‘rnini bosuvchi mahsulotlarni (masalan, veyp) sotish taqiqlangandi.
Izoh (0)