Toshkent viloyati IIBB Yo‘l harakati xavfsizligi boshqarmasi Olmaliq shahrida fotoradar o‘rnatilgan avtomobil ishtirokida sodir bo‘lgan YTH yuzasidan ma’lumot berdi.
Qayd etilishicha, 3-iyul kuni soat 17:30 larda Olmaliq shahri hududidan o‘tgan avtomobil yo‘lida 24 yoshli Sh.I. (Rossiya fuqarosi) Lacetti avtomobilida oraliq masofani saqlamasdan, o‘zidan oldindagi piyodalar o‘tish joyidan o‘tayotgan piyodaga yo‘l berish uchun to‘xtagan haydovchi 34 yoshli Y.N. boshqaruvidagi (IIO xodimi) Cobalt rusumli (fotoradar o‘rnatilgan) avtomobilni orqa qismiga kelib urilib, yo‘l-transport hodisasi sodir etgan.
Ushbu yo‘l transport hodisasi natijasida tan jarohati olgan fuqarolar yo‘q. Transport vositalari texnik shikastlangan. Hozirda holat yuzasidan Olmaliq shahar prokuraturasi tomonidan surishtiruv ishlari olib borilmoqda.
Avvalroq Toshkentda sodir bo‘lgan YTH oqibatida bir kishi jarohatlangani, Toshkentda Matiz elektroskuterni urib yuborgani, shuningdek, Andijonda to‘rtta avtomobil ishtirokida YTH sodir bo‘lgani to‘g‘risida xabar berilgandi.
Izoh (0)