Jizzax viloyatining G‘allaorol tumanida 3 ta “ZIL”, Damas va YPX xizmat mashinasi ishtirokida YTH yuz berib, bir kishi halok bo‘ldi. Ijtimoiy tarmoqlarda avtohalokatdan keyin holat aks etgan video tarqaldi.
Viloyat YHXB matbuot xizmatininf xabar berishicha, voqea 18-avgust kuni soat 23:30 larda, G‘allaorol tumani hududidan o‘tgan xalqaro ahamiyatga ega M39 Toshkent—Termiz avtomobil yo‘lining 1010-kilometrida yuz bergan. “ZIL-130” yuk mashinasi nosoz holda to‘xtab qolgan. Shu yerda xizmat olib borayotgan YPX inspektori Cobalt YPX xizmat mashinasida mayoqchalarini yoqib harakat xavfsizligini ta’minlab turgan vaqtida boshqa “ZIL-130” yuk mashinasi YPX avtomobili chap tomonini qirib o‘tib, oldinda to‘xtab turgan “ZIL-130” orqa qismiga borib urilgan.
Yuzaga kelgan tirbandlik tufayli to‘xtab turgan Damas orqasidan yana bir “ZIL-130” yuk mashinasi kelayotgan bo‘lgan. U oldindagi avtomashinalar o‘ng tomoni va bordyur o‘rtasidan yurib borayotib, tormoz tizimi ishlamay qolishi oqibatida piyodani (1969-yilda tug‘ilgan) urib yuborib harakatlanishda davom etib, YPX mashinasi orqasidan urib texnik shikast yetkazgan.
Oqibatda birinchi “ZIL-130” yuk mashinasiga borib urilgan boshqa “ZIL-130” haydovchisi (2001-yilda tug‘ilgan) voqea joyida vafot etgan, yana ikki nafar fuqaro tan jarohati olgan.
Hozirda mazkur holat yuzasidan surishtiruv harakatlari olib borilmoqda.
Izoh (0)