Misr poytaxti Qohirada ulkan megapolis qurilishi e’lon qilindi. Bu haqda Arab News xabar berdi.
Yangi shahardan Nil daryosining sun’iy kanali kesib o‘tishi rejalashtirilgan. Shahar “Jirian” deb nomlanadi va arab tilida “oqim” degan ma’noni anglatadi. U Nil deltasi sxemasining bir qismi hisoblanadi, taxminan 2,5 million akr maydonda qishloq xo‘jaligi maqsadlarida tashkil etiladi.
Loyiha 2021-yilda prezident Abdulfattoh as-Sisi rahbarligida boshlangan. U Shimoliy Afrika mamlakatining oziq-ovqat importini kamaytirishi fonida bug‘doy va makkajo‘xori hosilini ko‘paytirishga asoslangan.
Rasmiylarning ta’kidlashicha, bu loyihalar mamlakatning rivojlanishidan tashqari, tashqi qarzning oshishiga ham sabab bo‘lgan. Tashqi qarz 2015-yildan beri to‘rt baravarga oshib, 2024-yil oxiriga kelib 155,2 milliard dollarni tashkil etgan. Shuningdek, mamlakat moliyaviy barqarorligini ta’minlash uchun Xalqaro valyuta jamg‘armasi va Yevropa Ittifoqidan milliardlab dollar qarz olgan.
1-iyun kuni bo‘lib o‘tgan taqdimot marosimida Misr bosh vaziri Mustafo Madbuli “Jirian” loyihasini urbanizatsiya va rivojlanish inqilobi deb atagan. 250 ming ish o‘rni yaratilishi ham qo‘shimcha qilingan.
Izoh (0)