Arxeologlar Misrning Abidos nekropolida qazishmalar olib borish davomida noma’lum fir’avnning qabrini topdi. Ushbu kashfiyot Abidos sulolasining sirlarini ochib berishi mumkin. Bu haqda The Collector xabar berdi.
Qabr, taxminan, yetti metr chuqurlikda joylashgan va uning balandligi, taxminan, besh metrni tashkil etadi. U ohaktoshli dafn xonasi va xom g‘ishtdan qurilgan qabrxonadan iborat.
Dafn xonasiga olib boradigan kirish yo‘lagining ikki tomonida Isida va Neftida ma’budalariga bag‘ishlangan yozuvlar qoldiqlari aniqlangan. Shuningdek, bir paytlar shoh nomini iyerogliflar bilan ifodalagan sariq yozuv tasmalari topilgan. Bezaklar va matnlarning uslubi shohona kelib chiqishini ko‘rsatadi.
Topilma miloddan avvalgi 1700−1550-yillarga to‘g‘ri keladi. Bu davrda rasmiy fir’avnlar bilan birga, qisqa muddat boshqa sulola hukmronlik qilgan bo‘lishi mumkin, ya’ni sirli Abidos sulolasi.
Bir qator misrshunoslar Abidos sulolasi miloddan avvalgi 1650-yildan 1600-yilgacha Yuqori Misrni Giksos fir’avnlari bilan bir vaqtda boshqargan deb hisoblaydi. Bu davr mamlakatdagi siyosiy beqarorlik va tashqi bosqinlar bilan mashhur. Biroq, tarixiy dalillarning yetishmasligi tufayli Abidos sulolasining haqiqiy mavjudligi haqidagi bahslar hali ham davom etmoqda.
Izoh (0)