AQSHning Florida shtatida olti yoshli bola o‘lik holda topildi. Marhumning onasi “jinni chiqarish” uchun farzandini o‘ldirib qo‘yganlikda ayblanmoqda. Bu haqda NBC News xabar berdi.
Ramil Pyer 14-maydan beri maktabda ko‘rinish bermagan. Shu sababli maktab xodimlari iltimosiga binoan politsiya bolaning uyini tekshirishga borgan. Olti yoshli bola yotoqxonada jonsiz holda topilgan. Uning onasi — 31 yoshli Ronda Polinis — ikkinchi darajali qotillik, o‘lim haqida xabar bermaslik va jasadni o‘zgartirish ayblovlari bilan hibsga olingan.
Ayol tergov davomida “Xudo unga bolani jinlardan ozod qilishni” buyurganini aytgan.
Onaning aytishicha, u bolani tanasidan jinlarni chiqarish kerak deb o‘ylagan. Bola harakatsiz qolib, jon berganidan so‘ng, ayol uni jinlardan ozod bo‘ldi deb hisoblagan. O‘lim sababi va uslubini darhol aniqlashning imkoni bo‘lmadi va murda yorib ko‘riladi, degan Sent-Lusi okrugi sherifi Richard Toro.
O‘lim sababi va qanday sodir bo‘lgani hali aniqlanmagan, holat yuzasidan sud-tibbiy ekspertiza tayinlangan. Sherif idorasi bu uydan ilgari ham chaqiriqlar olgan, biroq ular ona va bola o‘rtasidagi muammolar bilan bog‘liq bo‘lmagan. So‘nggi bor 17-may kuni onaning sog‘ligi bilan bog‘liq murojaat kelib tushgan. Bola 18-may kuni vafot etgani taxmin qilinmoqda.
Izoh (0)