Bentley Mayamida 37,5 million dollarlik o‘ta hashamatli pentxausni taqdim etdi va u avtomobil kolleksionerlari uchun yangi arxitektura ramziga aylandi. Bentley Residencesʼning 61-qavatida joylashgan ushbu ikki qavatli pentxaus tom maʼnoda “osmonga kirish” imkonini beradi. Noyob Dezervator lifti avtomobilni to‘g‘ridan-to‘g‘ri mehmonxonada joylashgan oynavand garajga olib boradi. Shu bilan birga, bu yerda bir vaqtning o‘zida 7 tagacha elektromobilni quvvatlantirish mumkin.
Bu uy texnik ekzotikadan tashqari, shiftlari 6,7 metrli, panoramali derazalar, ichki va tashqi xususiy basseynlar, yozgi oshxona, terassa, 4 ta yotoqxona va 7 ta hammomdan iborat balandlikdagi to‘liq villadir.
Bezak — Bentley uslubida: marmar, kristallar, charm, qo‘lda yasalgan mebel va havoda muallaq turgan narvonlardan tashkil topgan. Bundan tashqari pentxausda “jentelmenlar burchagi” ham mavjud: bar, tamaki chekish xonasi, kinozal, trenajyor zali va hatto uy hayvonlari uchun spa ham bor.
Ochig‘i, bu loyiha “mashinalar bilan hayot” mavzusidagi art-obyektga o‘xshaydi. Avtomobil shunchaki transport vositasi emas, balki maqom va turmush tarzining bir qismi deb hisoblaydiganlar uchun orzudagi uydir.
Bentley Residences majmuasi 2028-yilda qurib bitkaziladi. Minorada jami 216 ta kvartira va atigi ikkita pentxaus bor.
Izoh (0)