Yaman husiylari 15-iyul kuni Qizil dengizda yirik neft tankeriga hujum uyushtirgan. Bu haqda “Ansorulloh” harakati matbuot xizmati tarqatgan xabarga asoslanib, Reuters xabar berdi.
Manbada aytilishicha, husiylar Qizil va O‘rta Yer dengizlarida harbiy amaliyotlar o‘tkazgan. G‘arb mamlakatlariga tegishli uchta kema, jumladan, bitta yirik neft tankeriga zarba berilgan.
“Ansorulloh” harakati kemalarga ballistik raketalar, dronlar va harbiy kemalar bilan hujum qilgan. Kemalarga nisbatan jiddiy shikast yetkazilgan. Hujumdan ko‘p o‘tmay husiylar kemalari chekingan.
Harakat matbuot kotibi Yahyo Sari hujum Isroilning Xon Yunisdagi hujumiga nisbatan tashkil etilgan seriyali tadbirlardan biri ekanini xabar qilgan. Hafta davomida Qizil dengizdagi kemalarni nishonga olish davom etishi bildirilgan.
Hujumga uchragan kemalar Bentley I va Chios Lion neft tankerlari bo‘lgan. AQSH Markaziy qo‘mondonligi hujumlarni tasdiqlagan. Hujum oqibatida hech qanday vayronagarchilik yoki jarohatlar bo‘lmagani aytilgan.
AQSH hisobotiga ko‘ra, hozirga qadar kamida 65 mamlakat va yirik energetika va yuk tashish kompaniyalari husiylar hujumlaridan zarar ko‘rgan. Uchta yirik kema cho‘ktirilgan va o‘nlab kemalar hibsga olingan.
Izoh (0)