Saudiya Arabistonining “An-Nassr” klubi yozgi transfer oynasi vaqti tarkibni kuchaytirish ishlarini davom ettirmoqda. Sky Germany nashri xabariga ko‘ra, riyodliklar “Bavariya” yarim himoyachisi Kingsli Koman transferi uchun taxminan 30 million yevro to‘lashga tayyor.
“An-Nassr” 29 yoshli fransuz futbolchisiga uch yillik shartnoma taklif qilgan. Klub rahbariyati yaqin vaqt ichida Koman bilan kelishuvga erishishga umid qilmoqda. Shuningdek, riyodliklar unga soliqlardan tashqari yiliga 20 million yevro maosh taklif qilmoqda. Qayd etilishicha, “An-Nassr” bosh murabbiyi Xorxe Jezus o‘tgan yili “Al-Hilol”da ishlagan vaqtida ham Koman bilan shartnoma imzolamoqchi bo‘lgan. Ammo bu transfer noma’lum sabablarga ko‘ra amalga oshmagan.
Koman Saudiya Arabistoniga ko‘chib o‘tish bo‘yicha bir qarorga kelmagan. Fransiyalik futbolchi ayni paytda bu taklif ustida jiddiy o‘ylamoqda. Futbolchi o‘tgan mavsum ham Saudiya klublaridan taklif olgan edi, biroq u bu taklifni “Bavariya” bosh murabbiyi Vinsent Kompani sabab rad etgandi.
- Kingsli Koman “Bavariya” safida salkam 10 mavsum davomida to‘p surib, jami 339 o‘yinda maydonga tushgan. U bu davr mobaynida o‘z hisobiga 72 gol va 71 golli uzatma yozdirib qo‘ygan.
- Futbolchining Myunxen klubi bilan shartnomasi 2027-yil yozigacha amal qiladi.
- Transfermarkt portali fransiyalik vingerning qiymatini 30 million yevroga baholamoqda.
Izoh (0)