Kinoda aktyorlarni dublyorlar almashtirishi odatiy hol. Ammo ba’zida bu vazifani maxsus tanlangan mutaxassislar emas, balki aktyorlarning o‘z ukasi, singlisi yoki egizagi bajaradi. Ular shunchalik o‘xshashki, kamera qarshisida kim kimligini ajratish qiyin. Ayrim hollarda esa tomoshabin buni butunlay sezmaydi ham.
Penelopa Kruzning singlisi “Karib dengizi qaroqchilari” filmida uning dublyori bo‘lgan
Aktrisa Penelopa Kruz “Karib dengizi qaroqchilari: G‘arib sohillarda” filmi suratga olinayotganida homilador edi. Shu sababli rejissyor noodatiy, ammo samarali yechim topib, jangovar sahnalar uchun aktrisaning singlisi Monika Kruzni jalb etdi. Ular bir-biriga shu darajada o‘xshaydiki, bu faktni bilmagan tomoshabin ekranda hech qanday farqni sezmaydi.
Kris Xemsvort yagona Tor emas edi
Xemsvortlar oilasidagi uch aka-uka Lyuk, Kris va Liam aktyorlik faoliyati bilan shug‘ullanadi. Marvel kino olamidagi Tor obrazida ularning har biri muayyan tarzda ishtirok etgan. Dastlab Liam bu rolga kastingda qatnashgan, keyinchalik esa “Tor: Ragnaryok” filmida Lyuk Xemsvort Tor obrazida chiqqan. U filmdagi kichik sahnalardan birida akasi Krisning o‘rnini egallagan.
Linda Xemiltonning egizak singlisi “Terminator 2” filmida Sara Konorni o‘ynagan
“Terminator 2: Qiyomat kuni” filmida Sara Konorning bir kadrda ikki kishi shaklida paydo bo‘ladigan sahna mavjud. Bu sahnada haqiqiy Sara Konor obrazini Linda Xemilton o‘ynagan bo‘lsa, uning “soxta” nusxasi rolini aktrisaning egizak singlisi Lesli ijro etgan.
Rami Malek ukasi bilan bir filmda rol o‘ynagan
Mashhur aktyor Rami Malek va uning egizak ukasi Sami Malek tashqi ko‘rinish jihatdan bir-biriga juda o‘xshash. Ular “Basterning yomon yuragi” filmida birga suratga tushgan. Rami hatto hazillashib: “Biz shunchalik o‘xshashmizki, ota-onamiz kim kimligini farqlay olmay qolgan bo‘lsa ajab emas,” degan.
Jill Xenessi “Qonun va tartib” serialidagi rolini singlisiga topshirgan
Aktrisa Jill Xenessi “Qonun va tartib” serialining 4-6-mavsumlarida prokuror yordamchisi Kler Kinkeyd obrazini ijro etgan. Ammo bir safar boshqa loyihalar bilan band bo‘lib, suratga olishlarda qatnasha olmagan. O‘shanda uni egizak singlisi Jaklin Xenessi o‘rniga rol ijro etgan.
“Baffi — vampirlar ovchisi” serialida Nikolas Brendonning ukasi aktyorga dublyorlik qilgan
Nikolas Brendon mazkur loyihada Ksander ismli qahramon rolini ijro etgan. Serialning uchinchi mavsumida esa egizak ukasi Kelli Donovan suratga tushgan. U shuningdek, Nikolas sog‘lig‘i yomonlashgan paytlarda uni suratga olish maydonida tez-tez akasi o‘rniga ishlab ketgan.
Izoh (0)