Transparensy International tashkilotining 2024-yil uchun Korrupsiyani qabul qilish indeksida O‘zbekiston 180 ta davlat orasida 28 ball bilan 126-o‘rinni egallagani haqida xabar tarqaldi. Korrupsiyaga qarshi kurashish agentligi ma’lumot noto‘g‘ri ekanini ma’lum qildi.
Xabarda aytilishicha, 11-fevral kuni eʼlon qilingan reyting natijalarida O‘zbekiston 180 ta davlat orasida 32 ball bilan 121-o‘rinni egalladi, o‘tgan 2023-yilga nisbatan egallangan o‘rin o‘zgarishsiz qolgan, lekin so‘nggi yetti yilga solishtirganda 37 pog‘ona yuqorilagan.
Indeksda mamlakat ko‘rsatkichlari Sharqiy Yevropa va Markaziy Osiyo mintaqasida ijobiy tomonga o‘zgargan 5 ta (Gruziya, Moldova, Ukraina, Kosovo) davlatdan biri bo‘lgani ta’kidlangan. Masalan, so‘nggi besh yillik ko‘rsatkichi +7 ball hamda o‘n yillikda +13 ballni tashkil etgan holda yaxshi natijalarni qayd etib kelmoqda.
Shuningdek, Indeksda past baholangan va o‘zgarishsiz qolgan ko‘rsatkichlar bo‘yicha xalqaro tashkilotlarning reyting manbalari bilan aloqalar o‘rnatish, Transparency International tashkilotining tavsiyalari asosida O‘zbekistonning Indeksdagi pozitsiyasini yanada yaxshilash yuzasidan muntazam ravishda ish olib borilayotgani ma’lum qilindi.
Xususan, bu borada alohida “yo‘l xaritasi” qabul qilinib, ijrosi ta’minlanmoqda.
Shavkat Mirziyoyev joriy yil 5-mart kuni Korrupsiyaga qarshi kurashish milliy kengashi yig‘ilishida ishtirok etib, mamlakatda korrupsiyaga qarshi kurashish mutlaqo yangicha yondashuvlar asosida olib borilishi bo‘yicha ko‘plab tashabbus va takliflarni ilgari surdi.
Ushbu yig‘ilishda prezident korrupsiyaga nisbatan murosasiz bo‘lish, mazkur faoliyatga keng jamoatchilikni jalb qilish va nodavlat tashkilotlarining faolligini oshirishning ahamiyatiga alohida e’tibor qaratdi. Shuningdek, bugungi kunda jamiyatda korrupsiyaga nisbatan murosasiz bo‘lish va unga qarshi kurashishda yangi mexanizmlarni ishlab chiqish zarurligi alohida ta’kidlandi.
Prezident tomonidan Korrupsiyaga qarshi kurashish bo‘yicha konvensiya talablarini monitoring qilishga nodavlat tashkilotlarni jalb qilish taklif etildi. Ushbu maqsadlar uchun har yili 10 milliard so‘mdan ajratish taklif etildi.
Izoh (1)
Коррупсияга Карши курашда Хитой тажрибасини куллаш зарур..Яни жазо кучли булиши керак.Кайси мамлакатда жазо чораси кучли булса ревожланиш кучли булади.