Braziliya terma jamoasi bosh murabbiyi Karlo Anchelotti Neymarning termadagi faoliyati xususida gapirdi.
Italiyalik mutaxassis hujumchi bilan gaplashgani, u jamoa hamda 2026-yilgi Jahon Chempionati uchun juda muhim o‘yinchi ekanligini aytdi.
“U yaxshi tayyorgarlik ko‘rishi kerak, bunga vaqt bor. Men unga tayyorgarlikni puxta o‘tkazish kerakligini aytdim, chunki biz Neymarni Braziliya milliy jamoasi uchun yana muhim o‘yinchiga aylantirmoqchimiz.
Braziliyada 10-raqamli libos juda muhim va katta mas‘uliyat yuklaydi. Vinisius va boshqa o‘yinchilar ham bu raqamni ko‘tara oladi. Sababi, ularda shaxsiyat va xarakter shakllangan”, degan Anchelotti.
Murabbiyga ko‘ra, kelgusida bu raqam o‘zgarishi mumkin.
“Mamlakatda bu libosni orzu qiluvchi va mas‘uliyatni zimmasiga oladigan ko‘plab futbolchilar bor”, degan italiyalik mutaxassis.
Neymar 2025-yilning yanvar oyida Saudiya Arabistonining “Al-Hilol” klubidan erkin agent maqomida “Santos”ga o‘tgan edi. U joriy mavsum barcha musobaqalar doirasidagi 14 ta o‘yinda maydonga tushdi, o‘z hisobiga 3 ta gol va 3 ta golli uzatma yozdirib qo‘ygan. Uning “Santos” bilan shartnomasi joriy yilning iyun oyining oxirigacha amal qiladi. Transfermarkt portali hujumchining qiymatini 12 million yevroga baholagan.
Eslatib o‘tamiz, avvalroq OAVda Neymarga Istanbulning boshqa klubi — “Galatasaroy” ham qiziqish bildirgani haqida xabarlar tarqalgan edi. Shuningdek, futbolchining agenti uni Myunxenning “Bavariya” klubiga taklif qilgani borasida mish-mishlar tarqalgandi.
Izoh (0)