O‘zbekistonda xizmat ko‘rsatgan madaniyat xodimi, taniqli bastakor Sultonali Rahmatov og‘ir yurak xurujini boshdan kechirgani va qarovsiz qolib ketgani haqida xabarlar tarqaldi. Rejissyor Saʼdulla Abdullayev bu xabarlarni tasdiqladi.
— Haqiqatan ham Sultonali infarkt bo‘ldi, poytaxtdagi 15-shifoxonaning jonlantirish bo‘limiga yotqizildi. Ammo hozir ahvoli biroz yaxshilangani haqida eshitdim. Uning qarovsiz qolib ketgani haqida haqiqatan kuyunib gapirdim. Ammo bu gap shifokorlarga taalluqli emas. Do‘stimizga shifo tilayman, deydi “Daryo” muxbiri bilan suhbatlashgan Saʼdulla Abdullayev.
Bundan ikki yil avval bastakor chet eldan ijodiy hamkorlar izlayotgani hamda 300 ming dollarga sotgan albomi haqida intervyu bergandi.
Izoh (0)