Ўзбекистонда хизмат кўрсатган маданият ходими, таниқли бастакор Султонали Раҳматов оғир юрак хуружини бошдан кечиргани ва қаровсиз қолиб кетгани ҳақида хабарлар тарқалди. Режиссёр Саъдулла Абдуллаев бу хабарларни тасдиқлади.
— Ҳақиқатан ҳам Султонали инфаркт бўлди, пойтахтдаги 15-шифохонанинг жонлантириш бўлимига ётқизилди. Аммо ҳозир аҳволи бир оз яхшилангани ҳақида эшитдим. Унинг қаровсиз қолиб кетгани ҳақида ҳақиқатан куюниб гапирдим. Аммо бу гап шифокорларга тааллуқли эмас. Дўстимизга шифо тилайман, дейди “Дарё” мухбири билан суҳбатлашган Саъдулла Абдуллаев.
Бундан икки йил аввал бастакор чет элдан ижодий ҳамкорлар излаётгани ҳамда 300 минг долларга сотган альбоми ҳақида интервью берганди.
Изоҳ (0)