Navro'z bayramiga bag'ishlangan tadbirda ishtirok etgan AQSH elchisi Jonatan Xenik "Dunyo" AA uchun intervyusida o'zbek xalqini ushbu bahor ayyomi bilan tabrikladi.
"Avvalo, O'zbekiston prezidenti va hukumatining mamlakatda keng qamrovli va ortga qaytmas islohotlarni amalga oshirishga qaratilgan faoliyati meni hayratda qoldirdi. Biz iqtisodiyotning jadal rivojlanishi, shuningdek, O'zbekistonni savdo va investitsiyalar uchun istiqbolli yo'nalish sifatida ko'rayotgan Amerika kompaniyalarining qiziqishi ortib borayotganini ko'ryapmiz.
Navro'z nafaqat yangilanish va farovonlik timsoli bo'lgan ajoyib bahor bayrami, balki erishilgan yutuqlarni nishonlash uchun muhim fursatdir.
Fursatdan foydalanib, O'zbekiston fuqarolariga Navro'z bayrami fayzli bo'lishini chin qalbimdan tilayman!" dedi elchi.
Izoh (0)