Usmonlilar imperiyasining oltin davri haqida hikoya qiladigan “Muhtasham yuz yil” seriali saroydagi hayot, valiahdlar va hukmronlik uchun bo‘lgan kurashlar, shuningdek, sevgi va xiyonat motivlari o‘z aksini topgan.
Serialda hukmdorga tegishli Topkapi saroyini eslatuvchi, hashamatli interyerga to‘la ajoyib va chinakamiga go‘zal muhit tasvirlangan. Biroq tarixiy atmosfera berish uchun qo‘llanilgan dekorativ elementlarning barchasi ham haqiqatga to‘g‘ri kelmaydi.
Masalan, sham va bir necha qavatli parda kabi interyer qismlari Sulton Sulaymon davridan ancha keyinroq paydo bo‘lgan. Bundan tashqari, Usmonlilar imperiyasida stolda o‘tirib emas, balki yerga yozilgan dasturxon atrofida taomlanishgan.
Serialda Sulton Sulaymon harbiy yurishlari va saroydagi muammolarni tez-tez muhokama qilgan va Bosforga qaragan go‘zal balkonlar ham yo‘q edi. Chunki binoning tashqariga qaragan ochiq qismi bo‘lishi sulton va uning oila a’zolari hayoti uchun xavfli bo‘lgan. Bunday balkonlar dushman nishoniga aylanish uchun qulay muhit yaratishi mumkin edi. Shu sababli saroyning har bir qismi doimo qo‘riqlangan.
Yuqoridagi dekorativ elementlarning barchasi o‘sha davrdagi saroylarning boyligi, o‘ziga xosligini namoyon etish hamda serialda ertaknamo muhitni yaratish uchun xizmat qilgan. Shu sababli, “Muhtasham yuz yil” serialida sahna dizaynerlari tomonidan qo‘llangan bunday xatoliklar to‘liq o‘zini oqlaydi, deb hisoblanadi.
Izoh (0)