Prezident Shavkat Mirziyoyev Osiyo infratuzilmaviy investitsiyalar banki Boshqaruvchilar kengashi yig‘ilishida ishtirok etayotgan Qatar davlati moliya vaziri Ali bin Ahmad al-Kuvariy boshchiligidagi delegatsiyani qabul qildi. Bu haqda Prezident matbuot xizmati xabar berdi.
Uchrashuv avvalida Ali al-Kuvariy O‘zbekiston yetakchisiga Qatar amiri shayx Tamim bin Hamad al-Taniyning salomi va eng ezgu tilaklarini yetkazdi.
Ikki tomonlama, eng avvalo, savdo-iqtisodiy sohadagi o‘zaro manfaatli hamkorlikni yanada kengaytirish masalalari muhokama qilindi.
“Yashil” energetika, transport, sog‘liqni saqlash, turizm, infratuzilmani rivojlantirish va boshqa yo‘nalishlardagi loyihalarni ilgari surish muhimligi taʼkidlandi.
Yil yakuniga qadar Doha shahrida Hukumatlararo komissiya yig‘ilishi va qo‘shma biznes forumi o‘tkazilishi qayd etildi. Madaniy-gumanitar almashinuvni faollashtirish masalalariga eʼtibor qaratildi.
Izoh (0)