Argentinalik mutaxassis Maurisio Pochettino AQSH terma jamoasining yangi bosh murabbiyi etib tayinlandi, deb xabar bermoqda jamoa matbuot xizmati.
52 yoshli Pochettino Amerika terma jamoasini 2026-yilgi Jahon chempionatiga tayyorlaydi.
Argentinalik mutaxassisning so‘nggi ish joyi Londonning “Chelsi”si bo‘lib, murabbiy klubda 2023-yilning yozidan 2024-yilning mayigacha ishlagan. Bu davrda uning qo‘l ostida “aristokratlar” barcha musobaqalarda 51 uchrashuv o‘tkazib, 27 marta g‘alaba qozongan, 10 marta durang o‘ynagan va 14 marta mag‘lubiyatga uchragan.
Pochettino professional murabbiylik faoliyati davomida hech qachon terma jamoada ishlamagan, Maurisio Ispaniyaning “Espanyol”, Angliyaning “Sauthempton” va “Tottenhem”, shuningdek, Fransiyaning “PSJ” klublarini boshqargan.
Izoh (0)