4-sentyabr kuni Berlindagi global matbuot anjumanida Acer yangi mahsulotlarini namoyish etdi. Qurilmalar yanada kuchliroq, aqlliroq va mobilroq, sun'iy intellekt esa, uning usiz ham keng imkoniyatlarini yanada kengaytirdi.
Acer insonlar va texnologiyalar o‘rtasidagi to‘siqlarni buzishda davom etmoqda. Kompaniya innovatsiyalarga tinimsiz investitsiyalar kiritib, o‘qish, ish va dam olish uchun qulay bo‘lgan kuchli qurilmalarni yaratib bormoqda.
Yangi TravelMate va Swift noutbuklari
TravelMate va Swift oilalari – bu yuqori unumdorlik va mobillik uyg‘unligini muhim sanaydigan professionallarga atalgan yechimdir. Bu qurilmalarning qudrati generativ SIni qo‘llagan holda og‘ir vazifalarni tezda bajarish, katta ma'lumotlar massivini qayta ishlash, murakkab hisob-kitoblarni amalga oshirish imkonini beradi. Yangi noutbuklar Copilot SI-assistenti bilan ta'minlangan, u foydalanuvchi zimmasidagi ishlarning bir qismini o‘z yelkasiga olishga tayyor.
TravelMate P6 14 AI, Swift 14 AI va Swift 16 AIda ko‘p bosqichli ma'lumotlar himoyasi qo‘llanilgan. Kamera parolni so‘ramasdan tizimga tezda kirish imkonini beradi, Acer User Sensing texnologiyasi esa, foydalanuvchi noutbukdan yiroqlashganda ekranni bloklaydi.
Acer Iconia X12 plansheti
Acer Iconia X12 — bu ish, o‘qish va dam olish uchun barcha zarur narsalarni o‘zida jamlagan qurilmadir. Uning vazni – atigi 600 g., qalinligi – 6,7 mm. 12,6 duymli AMOLED-displey 2,5K ravshanlikka ega bo‘lib, yorqin va aniq tasvirni ta'minlaydi. Foydalanuvchi film ko‘radimi, fotoni tahrir qiladimi yoki o‘ynaydimi – bundan qat'i nazar, rang uzatish yuqori darajada bo‘ladi. Iconia X12da stilusdan foydalanish va Bluetooth-klaviatura ulash imkoni mavjud, bu planshetni kontent yaratish va hujjatlar bilan ishlash uchun to‘laqonli vositaga aylantiradi.
Nitro qudratli o‘yin noutbuklari
Nitro V14 va Nitro V16 — bu faol hayot tarzi uchun yaratilgan noutbuklar. Ular mobillik va unumdorlikni qadrlaydigan geymerlar va kreatorlarga to‘g‘ri keladi. yengil va ko‘tarishga qulayligi tufayli noutbuklarni istalgan joyga – o‘qishda, ishda yoki sayohatda olib yursa bo‘ladi.
Ikkala model resurstalab vazifalarni, jumladan o‘yinlar o‘ynash, dizayn va videomontaj ustida ishlash uchun mo‘ljallangan. Takomillashtirilgan SIga ega NVIDIA DLSS 3.5 texnologiyasi hatto eng talabchan o‘yinlarda ham kadrlar yuqori chastotasini va a'lo sifatli tasvirni ta'minlaydi. MUX-uzatkich yordamida esa, grafika unumdorligini oshirish, shu bilan FPS muammosini hal qilish mumkin. Optimallashtirilgan sovitish tizimi hatto intensiv foydalanish sharoitida ham noutbuk qizib ketishining oldini oladi.
Predator Orion 7000 o‘yinlar uchun SHK
Sun'iy intellekt qo‘llab-quvvatlovidagi Predator Orion 7000 – kibersport musobaqalarida qatnashadiganlar yoki resurstalab dasturlarda professional darajada ishlaydiganlar uchun. Bu shunchaki SHK emas, balki haqiqiy o‘ynoqi devdir. Bu model asosida eng zamonaviy Intel protsessorlari yotadi, ular ma'lumotlarning yashin tezligida qayta ishlanishini ta'minlaydi, NVIDIA GeForce RTX 4090 videokartasi esa, geymingni yangi bosqichga olib chiqishga qodir. Videokarta AI DLSS 3.5 texnologiyasida ishlaydi, u tasvir sifati va kadrlar chastotasini oshirib, inson tasavvurini zabt etuvchi, hayratlanarli darajada real sahnalarni yaratadi.
Predator CycloneX 360 ventilyatori va protsessorning suyuqlik orqali sovitilishi
Eng qizigan sessiyalarda ham komponentlarning optimal haroratini ushlab turadi. Avvalgi modellarga solishtirganda, Predator Orion 7000da sovitish samaradorligi 15% yuqori bo‘lib, ona plata harorati 9 darajaga pasaygan.
Predator o‘yin monitorlari
Predator monitorlari o‘yinga butkul sho‘ng‘ib, jarayondan maksimal zavq olishni istaganlar uchun yaratilgan. Bu bamisoli 4K ravshanlikdagi kinoni tomosha qilgandek – har bir detal shunchalik aniq ko‘rinadiki, go‘yo tomoshabin ekranning narigi tomonidan turgandek tuyuladi. Faqat bu holatda foydalanuvchi filmda emas, o‘zi sevgan o‘yin ichida bo‘ladi.
Predator monitorlarining asosiy xususiyatlaridan biri yangilanishning yuqori chastotasi – 360 Gs.gacha ekanligidir. Bu esa, ekrandagi tasvir sekundiga 360 marta yangilanadi va o‘yinlardagi harakatlarni o‘ta ravon va aniq aks ettiradi deganidir. NVIDIA G-SYNC Pulsar texnologiyalari tasvirdagi uzilishlarni bartaraf etib, kechikishlarning oldini oladi. Har bir sekund hisobda bo‘ladigan shuterlarda bu barcha harakatlarni real vaqt rejimida ko‘rish imkonini beradi, natijada o‘yinchi raqiblariga nisbatan ustunlikka ega bo‘ladi.
Acer 2024ʼning boshqa yangiliklari
- Project DualPlay noutbuki – u osonlikcha o‘yin qo‘yilmasiga aylanishi mumkin. Tachpadni yechib, simsiz kontrollerga aylantirish, uning o‘zini esa, ikkita joystikka bo‘lish mumkin;
- Nitro Blaze 7 portativ o‘yin SHK, kattaroq smartfon o‘lchamida bo‘lsa ham, kompyuterlar bilan bir xil o‘yinlarni o‘ynash imkonini beradi;
- Yangilanish chastotasi 600 Gs.gacha bo‘lgan Nitro UltraSpeed o‘yin monitorlari – dunyodagi eng tezkor monitorlar.
Acer 2024’ning barcha yangiliklari bilan quyidagi havola orqali tanishish mumkin: https://youtu.be/U6dN1zwcXqw
Reklama huquqi asosida.
Izoh (0)