Mastercard’dan so‘mdagi biznes-kartalarni birinchi bo‘lib joriy etgan bank “Kapitalbank” ATB bo‘ldi. Endi bitta kartani O‘zbekistonda ham, chet elda ham ishlatish, shuningdek Mastercard’ning eksklyuziv takliflaridan foydalanish mumkin.
Bir necha yil oldin Mastercard mutlaqo valyuta amaliyotlariga bog‘lab tasavvur qilinardi. Bugun esa, ushbu to‘lov tizimining kartalari shaxsiy foydalanish uchungina emas, biznes yuritish uchun ham ochilmoqda. 2024-yil iyulda kompaniya “Kapitalbank” ATB bilan hamkorlikda O‘zbekiston bozoriga yangi mahsulot – so‘mdagi Mastercard Business biznes-kartasini chiqardi.
Mastercard Business – bu yuridik shaxslar va individual tadbirkorlar uchun so‘mdagi biznes-karta. Karta kompaniyaning karta hisobiga biriktiriladi va kompaniyaga 24/7 rejimida biznes-xarajatlar uchun haq to‘lash imkonini beradi. Biznes uchun odatiy karta afzalliklaridan tashqari, u Mastercard’ning eksklyuziv takliflaridan foydalanish imkoniyatini ham yaratadi.
Mastercard Business ham O‘zbekiston hududida, ham chet elda barcha POS-terminallarda qabul qilinadi.
Mastercard Business: O‘zbekistonda foydalanish
Mastercard Business odatiy korporativ karta sifatida ishlaydi. Uning yordamida istalgan paytda ofis uchun tovarlar yoki ijtimoiy tarmoqlardagi reklama haqini to‘lash, dasturiy ta'minot sotib olish, kompaniya avtomobiliga yoqilg‘i quydirish yoki kartani taksi servisiga biriktirish mumkin, bunda amaliyotlarni osonlik bilan nazorat qilsa bo‘ladi. Mastercard Business biznes-kartalari ko‘plab afzalliklar beradi:
- 24/7 rejimida mablag‘lardan muntazam foydalana olish.
- Qimmat tovarlarni sotib olish uchun yoningizda yirik summa olib yurish shart emas – kartadagi pul doim foydalanish uchun ochiq.
- Karta bo‘yicha barcha tranzaksiyalar shaffof, uning hisobini yuritish va nazorat qilish, naqd amaliyotga qaraganda, osonroq.
- Amaliyotlarning bir zumdaligi. Bank yoki mas'ul xodimning ish jadvalidan qat'i nazar, POS-terminal mavjud hamma joyda tovar yoki xizmat uchun haq to‘lash va unga ega bo‘lish mumkin.
- Foydalanishga qulaylik. Biznes-kartani onlayn-servislar va ilovalarga (masalan, taksi xizmatiga) biriktirish mumkin.
Chet elda foydalanish imkoniyati. Mastercard Businessning noyob afzalligi Mastercard eksklyuziv takliflar dasturidan foydalana olish sanaladi.
Mastercard Easy Savings Specials – hamkorlardan chegirmalar va aksiyalarning global dasturi. Mastercard Business faoliyati butun dunyoni qamrab oladi. Shu sababli, mijozlarga chet el va O‘zbekiston kompaniyalaridan logistika, marketing, moliya, HR sohalarida 100 dan ziyod eksklyuziv takliflar taqdim etiladi.
Biznes-karta kichik biznesga xarajatlarni qisqartirishda yordam beradi. Masalan, 10 dan 30 foizgacha chegirma bilan C-Space kovorkinglarida ish yoki uchrashuv uchun joyni ijaraga olish, Black Snow agentligida marketing strategiyasini buyurtirish, UHY Tashkent`da auditorlik, buxgalteriya va konsalting xizmatlaridan foydalanish, Pasado, Giotto, Yaponamama va boshqa restoranlarda ish yuzasidan kechki taom uchun haq to‘lash mumkin va h.k.
Shuningdek, so‘mdagi biznes-karta dasturning global takliflaridan foydalanish imkonini beradi. Chunochni, hozirda Adobe Acrobat Pro, Harvard Business Review, iStock, GoogleWorkspace va boshqalar uchun chegirmalar mavjud. Startapchilar Notion ilovasida yarim yillik bepul davrga ega bo‘lishlari mumkin.
Mastercard Business: chet elda foydalanish
Mastercard Business kartasi chet eldagi safarda mislsiz yordamchi bo‘ladi. U yirik miqdorda pulni xavfsiz saqlash, olib kirish va olib chiqish hamda xizmat safarida tovarlar va xizmatlar haqini to‘lash imkonini beradi. Qulay, chunki xorijdagi bankda yoki bankomatda bu kartadan naqd pul yechib olsa ham bo‘ladi.
Bir kompaniya bir nechta biznes-kartaga ega bo‘lishi mumkin, chunki ular nafaqat direktor, balki xodimlar nomiga ham ochiladi. Mastercard Business jarayonlarni jadallashtirish imkonini beradi: uning yordamida chiptalar xarid qilish va mehmonxona bronlash oson. Xizmat safaridagi xarajatlar uchun bankdan naqd vlyuta olishga ehtiyoj qolmaydi – taksi, mehmonxona, ovqatlanish, xizmat xarajatlari karta orqali to‘lanadi.
So‘mni safar qilingan mamlakat valyutasiga ayirboshlash avtomatik ravishda ro‘y beradi, binobarin, xizmat safaridagi xodim ayirboshlash shoxobchasini izlab yurmaydi. Bu unga moliyaviy masalalarga chalg‘imay, bor e'tiborini biznes topshiriqlarga qaratish imkonini beradi. Mastercard Business bilan xizmat safari bo‘yicha hisobotni avtomatlashtirish mumkin, chunki barcha amaliyotlar karta tarixida aks etadi.
Mastercard’ning eksklyuziv takliflaridan xorijiy safarlarda ham foydalanish mumkin. Masalan, chegirma bilan Sixt servisida avtomobilni ijaraga olish, roumingda katta xarajatlardan chetlanish uchun Airaloda eSIM sotib olish, Booking.com’da foydali shartlarda mehmonxona bronlash mumkin.
So‘mdagi Mastercard Business biznes-kartasining barcha imkoniyatlari bilan “Kapitalbank” ATB saytida tanishish mumkin.
Reklama huquqi asosida.
Izoh (0)