Germaniya G‘azo sektori aholisiga gumanitar yordam miqdorini oshirib, yana 50 million yevro ajratmoqda. Germaniya tashqi ishlar vaziri Annalena Berbok iordaniyalik hamkasbi Ayman as-Safadiy bilan uchrashuvdan so‘ng bu haqida X ijtimoiy tarmog‘ida ma’lum qilgan.
“G‘azo xalqi yordamimizga muhtoj bo‘lib qolmoqda. Go‘daklar uchun ozuqaviy qo‘shimchalardan tortib, vayronalarni tozalash va ichimlik suvi ifloslanishining oldini olishda yordam berish uchun mablag‘ kerak. Biz shu maqsadda yana 50 million yevro gumanitar yordam beramiz”, deb yozadi Berbok.
Uning so‘zlariga ko‘ra, yangi transhni hisobga olgan holda, 2023-yildan beri Germaniyaning g‘azoliklarga yordam ko‘rsatish hajmi 360 million yevrodan oshgan.
Germaniya TIV maʼlumotlariga ko‘ra, 2024-yilda Germaniyadan Iordaniyaga yetkaziladigan insonparvarlik yordami 63 million yevrogacha ko‘tariladi. Vazirlikning qo‘shimcha qilishicha, “Iordaniya yo‘lagi” deb nomlangan yo‘nalish bo‘ylab yuk mashinalari kolonnalari tomonidan yordam yetkazib berishni davom ettirish uchun Germaniya qo‘shimcha 5 million yevro ajratadi.
Izoh (0)