2023-yilning dastlabki yakunlariga ko‘ra, sanoat tarmog‘i norasmiy va yashirin iqtisodiyotida 26 858,4 mlrd so‘m yalpi qo‘shilgan qiymat yaratilgan. Bu haqda Statistika agentligi xabar qildi.
Bu uning sanoat tarmog‘i yalpi qo‘shilgan qiymatidagi ulushi 9,6 foizni tashkil etganini anglatadi.
![](/static/2024/09/02/sanoat1-RIJBpww6.jpeg)
Prezident Shavkat Mirziyoyev 28-avgust kuni sanoat tarmoqlarida ishlab chiqarish va samaradorlikni oshirish masalalari bo‘yicha o‘tkazgan yig‘ilishda so‘nggi 7 oyda sanoat hajmi 7,1 foizga o‘sib, 435 trillion so‘mga yetgani ma’lum qilingan.
Jumladan, elektr texnikasi, to‘qimachilik, charm va avtomobil sanoatida yuqori o‘sish qayd etilgan. Joylarda 1,3 mingta yangi quvvatlar ishga tushirilib, qo‘shimcha 40 trillion so‘mlik ishlab chiqarish manbasi yaratilgan.
Yig‘ilishda har bir viloyatning sanoatga ixtisoslashgan tumanlari bo‘yicha dastur ishlab chiqish vazifasi qo‘yildi.
Izoh (0)