2023 йилнинг дастлабки якунларига кўра, саноат тармоғи норасмий ва яширин иқтисодиётида 26 858,4 млрд сўм ялпи қўшилган қиймат яратилган. Бу ҳақда Статистика агентлиги хабар қилди.
Бу унинг саноат тармоғи ялпи қўшилган қийматидаги улуши 9,6 фоизни ташкил этганини англатади.
Президент Шавкат Мирзиёев 28 август куни саноат тармоқларида ишлаб чиқариш ва самарадорликни ошириш масалалари бўйича ўтказган йиғилишда сўнгги 7 ойда саноат ҳажми 7,1 фоизга ўсиб, 435 триллион сўмга етгани маълум қилинган.
Жумладан, электр техникаси, тўқимачилик, чарм ва автомобиль саноатида юқори ўсиш қайд этилган. Жойларда 1,3 мингта янги қувватлар ишга туширилиб, қўшимча 40 триллион сўмлик ишлаб чиқариш манбаси яратилган.
Йиғилишда ҳар бир вилоятнинг саноатга ихтисослашган туманлари бўйича дастур ишлаб чиқиш вазифаси қўйилди.
Изоҳ (0)