Yevropa komissiyasi Telegram asoschisi Pavel Durovning Fransiyada hibsga olinishiga izoh berishdan bosh tortdi va voqeani “milliy tergov” deb atadi.
![](/static/2024/08/26/photo_2024-08-26_17-24-22-H94DIJbt.jpg)
“Bu milliy tergov, biz bu haqda izoh berish niyatida emasmiz. Fransiya rasmiylariga murojaat qilish lozim”, dedi Yevrokomissiya matbuot xizmati.
Avvalroq TASS nashrining Bryusseldagi manbasi Durovning hibsga olinishi YIning raqamli xizmatlar to‘g‘risidagi qonunining “ruhi va tamoyillariga” mos kelishini aytgan.
Suhbatdoshning eslatishicha, ushbu qonunchilik aktida operatorning faqat yuridik shaxs sifatidagi javobgarligi ko‘zda tutilgan va jarimalar “faqat iqtisodiy xususiyatga ega”.
O‘z navbatida, kompaniya “Telegram Yevropa Ittifoqi qonunlariga to‘liq rioya qilishi”, kontentni moderatsiya qilish esa “soha standartlariga mos kelib, doimiy ravishda takomillashtirilayotgani”ni ma’lum qilgan edi. Shuningdek, kompaniya bosh direktorining “yashirish uchun hech narsasi yo‘qligi va u muntazam ravishda Yevropa bo‘ylab sayohat qilishi” aytilgan.
Izoh (0)