Tramp Jon Kennedi o‘ldirilishi haqidagi hujjatlarni maxfiylikdan chiqarishga va’da berdi

Respublikachilar partiyasidan prezidentlikka nomzod Donald Tramp mamlakatdagi eng yuqori lavozimga saylansa, suiqasd urinishlarini tekshirish bo‘yicha prezidentlik komissiyasini tuzishini, u sobiq prezident Jon Kennedining o‘ldirilishi ishi bo‘yicha barcha hujjatlarni maxfiylikdan chiqarishni ma’lum qildi.

Bu haqda siyosatchi Arizonadagi miting chog‘ida aytib o‘tgan.

“Bu — Robert Kennediga hurmat. Men prezidentlikka saylanganimdan so‘ng suiqasd urinishlarini tekshirish uchun yangi mustaqil Prezident komissiyasini tuzishimni e‘lon qilaman. Ularga prezident Jon Kennedining o‘ldirilishi bilan bog‘liq barcha hujjatlarni maxfiylikdan chiqarish vazifasi yuklanadi”, dedi Tramp.

Uning ta’kidlashicha, komissiya o‘zining hayotiga suiqasd holatini ham tekshiradi.

Tramp mitingni avvalroq respublikachi foydasiga saylovoldi kampaniyasini to‘xtatgan kichik Kennedi bilan birga o‘tkazmoqda.