Belarus prezidenti Aleksandr Lukashenko Ukrainani 24-avgust kuni nishonlanadigan Ukraina Mustaqillik kuni bilan tabrikladi.
U Ukraina xalqiga “tinch osmon, fuqarolar totuvligi va saxovatli mamlakatiga farovonlik” tilagan. Lukashenko Belarus mintaqada tezkor xavfsizlikni ta’minlashda davom etishini ta’kidlagan.
“Belarus zaminida samimiy va mehnatkash Ukraina xalqiga doimo alohida hurmat va iliq munosabatda bo‘lgan. Bizni nafaqat umumiy taqdir va oilaviy rishtalar, balki qo‘shnilarimiz bilan do‘st bo‘lish va til topishish istagi ham birlashtirib turadi”, deyiladi Belarus prezidenti saytida chop etilgan tabrikda.
Lukashenko ta’kidlaganidek, bugungi qiyin sharoitda muloqotni davom ettirish va “slavyan xalqlarining buguni va kelajak avlodlari uchun tinchlik tilida gapirish” zarur.
“Boshqa muqobil yo‘q”, deya xulosa qilgan u.
Belarus rahbari bir necha bor Rossiya va Ukrainani harbiy harakatlarni to‘xtatish masalasini muhokama qilishga chaqirgan. Avgust oyida “Global janub ovozi” sammitida u Belarus hududini muzokaralar uchun maydon sifatida taklif qilgan edi.
Izoh (0)