Korzinka “365 kun” brendini yangilamoqda: keng assortiment va sifat – har kuni

Bugungi kunda brend 30 ta toifadagi 400 dan ortiq tovarlarni birlashtiradi. Yangilangan qadoqdagi tovarlar bosqichma-bosqich do‘konlar rastalariga chiqariladi.

O‘zbekistondagi eng yirik supermarketlar tarmog‘i — “Korzinka” o‘zining “365 kun” savdo markasining yangilangan talqinini taqdim etdi. Bu marka ostidagi tovarlar “Korzinka” tarmog‘ida eksklyuziv taklif etiladi, ular sinchkovlik bilan saralanadi va xaridorlarga eng yaxshi narxlarda taqdim qilinadi. Endi, yangilangan qadoq tufayli, ularni uzoqdan ham oson tanib olish mumkin.

Yangi vizual uslub: zamonaviy va funksional

Korzinka yangilangan, anʼanaviy va zamonaviy yechimlar mujassamlashgan “365 kun” dizayn-konseptini taqdim etdi. Qadoqda odatiy maʼno va vizual unsurlar yangicha talqinga ega bo‘ladi: yechim asosida bosma taqvimlar va qog‘oz stiker-eslatmalarni yodga soluvchi, shuning barobarida, gajetlardagi vijetlar va ilovalar yorliqchalariga o‘xshab ketadigan kvadrat modullar yotadi. Qadoq maʼnodorroq va lo‘ndaroq tus olib, yagona uslubga bo‘ysunadi va supermarketlar rastalarida ko‘zga yaqqol tashlanadigan bo‘ldi. Shaffof darcha-modullar mahsluot sifatini baholash imkonini beradi va brendning ochiqligini yaqqol ko‘rsatadi.

Yangilanish logotipni ham chetlab o‘tmadi. O‘ziga xos tasdiq ishorasiga o‘xshash logotip mahsulotning munosib sifati kafolatlanishini va kun yaxshi o‘tishining vaʼdasini aks ettiradi.

Har bir tovar yaxlit vizual uslub doirasida bezatilgan, bu brendni taniqli, shu bilan birga, turfa xil va qiziqarli qiladi. Bu uslublar tufayli, “har bir kun uchun” tovarlar brendining maqomini anʼanaviy va zamonaviy talqinini nafaqat birlashtirishga, balki brendning shakllangan timsolini qo‘llab-quvvatlashga ham erishildi:

• xushmuomala, mehmondo‘st va oqko‘ngil: “365 kun” istalgan taʼb uchun tovarlar taklif etib, barcha xaridorlarga bag‘rini ochib peshvoz chiqadi;
• oilaning barcha aʼzosi uchun: yoshi va nimani afzal ko‘rishidan qatʼi nazar, oilaning har bir aʼzosi uchun tovarlar tanlanmasi;
• har bir kun uchun: assortiment turfa xil hayotiy vaziyatlarni hisobga oladi va hayotni osonroq, har bir kunni esa, yaxshiroq qilish imkonini beradi.
• har qanday hamyonga bop: qulay qadoqda va eng yaxshi narxga ega, sinchkovlik bilan saralangan tovarlar.

Brendning vaʼdasi: keng assortiment va barqaror sifat – har kuni

“365 kun” yilda 365 kun har bir xaridor uchun foydali bo‘lishga intiladi. U allaqachon bolali oilalardan tortib yolg‘iz insonlargacha, uy bekalaridan to talabalargacha – barcha-barchani birlashtiruvchi brendga aylandi. Kundalik hayotning barcha jihatlarini qamrab oluvchi tovarlar assortimenti insonlarni maqomiga ko‘ra emas, balki sog‘lom mantiq va kun, ish hamda hayotga nisbatan to‘g‘ri yondashuvga asosan birlashtirishga yordam beradi. “Korzinka” har bir xaridor kundalik hayotning barcha jihatlarini qamrab oluvchi tovarlar assortimentidan o‘zi uchun nimadir topa olishiga ishonchi komil. Bizning shiorimiz “Har kuni yaxshi” ekani bejiz emas, bu nafaqat tovarlarimizga, balki “Korzinka” bilan o‘tkazadigan har bir kuningizga ham tegishlidir.

Korzinka pand bermaydigan barqaror sifatini saqlab qolgan holda har bir kun uchun turfa xil tovarlarni taklif etayotganidan faxrlanadi. Xaridorlar xotirjam bo‘laversinlar: tovarni har gal qayta-qayta tekshirish shart emas – buni siz uchun o‘zimiz allaqachon bajarib qo‘yganmiz. Sifat va narx muvozanati tejamkorlik bilan salomatlik o‘rtasida og‘ir tanlovni amalga oshirmay, zarur bo‘lgan barcha narsani sotib olish imkonini beradi.

“365 kun” brendi va O‘SM haqida

“365 kun” – bu “Korzinka” supermarketlar tarmog‘ining o‘z savdo markasi (O‘SM)dir. O‘SM – bu ishlab chiqaruvchiga emas, riteylerga tegishli brend. O‘SM ostidagi mahsulot “Korzinka” tarmog‘ida sotish uchun maxsus tayyorlanadi va yuqori sifati hamda hamyonbop narxi bilan ajralib turadi. Korzinka bunga ishlab chiqaruvchilar bilan to‘g‘ridan-to‘g‘ri bog‘lanish, assortimentni optimizatsiyalash, marketingda tejash va ishlab chiqarishning barcha bosqichlarida sifat nazorati orqali erishadi.

“365 kun” brendining yangi qiyofasi Korzinkaning o‘z xaridorlariga eng yaxshi narx va sifat nisbatini taqdim etib, har bir kunni yaxshiroq qilishga intilishini tasdiqlaydi.

Reklama huquqi asosida.