2022-yil boshida fintex bozorining yetakchilaridan biri bo‘lgan Alif kompaniyasi o‘z faoliyatida sunʼiy intellektdan faol foydalanishni boshladi. Kompaniya xodimlari GulChatAI yoki turkiy “Gulchatoy” nomiga hamohang bo‘lgan noyob AI servisini ishlab chiqishdi. Bugungi kunda “Gulya” kompaniyaning qimmatli xodimlaridan biri bo‘lib, keng ko‘lamli masalalar bo‘yicha yordam ko‘rsatmoqda.

Kompaniyaning mijozlar bilan ishlash bo‘limiga kirsangiz, “Gulya” haqiqiy odam degan taassurot paydo bo‘ladi. Xodimlarning o‘zaro “Gulchatoy shunday javob berdi” yoki “Gulchatoy nima deyapti?” degan gaplarini eshitish mumkin. Hozir u mijozlar va hamkorlar bilan rus va o‘zbek tillarida matn orqali muloqot qilmoqda.

GulChatAI evolyutsiyasi: qo‘lda ishlashdan avtomatlashtirishgacha

2020-yil oxiridan boshlab limitlar va muddatli to‘lovlarga arizalar soni sezilarli darajada oshdi, bu mijozlarning xizmatlarga qiziqishi va ishonchi oshganidan dalolat beradi. Bozor talablariga javoban kompaniya limitlarni hisoblash uchun standart kod o‘rniga eksklyuziv yechim ishlab chiqdi.

“GulChatAI 1.0 ning birinchi versiyasi 2021-yilda ishga tushirilgan. Yangi, yaxshilangan versiyasi — GulChatAI 2.0 ikki oydan keyin o‘z ishini boshladi. U berilgan muddatli to‘lovlar asosida ishlab chiqilgan. Bugungi kunda “Gulya” nafaqat mijozlarning moliyaviy holatini mustaqil baholashi, balki arizalarni maʼqullashi va xaridlar uchun limit berishi mumkin,“ — deydi Alif Uzbekistan bosh direktori Nuriddin Lafizov.

GulChatAI qanday vazifalarni bajaradi?

GulChatAI skoring: ariza topshirishdan muddatli to‘lovni rasmiylashtirishga qadar 30 soniyadan kamroq vaqt

Ayni paytda GulChatAI 83% arizalarni ko‘rib chiqadi. Umuman olganda, GulChatAI 100 ga yaqin omilni baholab, arizalarni ko‘rib chiqishi uchun o‘rtacha 30 soniya vaqt ketadi.

GulChatAI kollektor: yuristlarning AI yordamchisi

GulChatAI mijozning to‘lov qobiliyatini baholaydi va muddatli to‘lov beradi. Shuningdek, u qarzdorlarni saralaydi — to‘lash uchun eng ko‘p imkoniyatga ega bo‘lgan mijozlarni ajratib oladi. Shunday qilib, sunʼiy intellekt yuristlarning KPI darajasini va undirilgan qarzlar miqdorini oshiradi.

GulChatAI chat-bot: 24/7 aloqada

Masofaviy xizmat ko‘rsatish markazida (MXM) Gulchatoy mijozlar murojaatlarining qariyb 70 foizini ko‘rib chiqadi. MXMda Gulchatoyning joriy etilishi xodimlarni odatiy ishdan ozod qildi. 10 dan ortiq xodim rotatsiyadan o‘tdi va endi moliyachi, dasturchi va boshqa vazifalarni bajarmoqda.

GulChatAI tavsiya qiladi: shaxsiy shopping assistenti

Alif Shop veb-saytida GulChatAI tovarlarni topishda har doim yordam berishga tayyor bo‘lgan individual xarid yordamchisi sifatida ishlaydi. GulChatAI foydalanuvchining harakatlarini va buyurtmalarini tahlil qiladi va mijozning talablariga mos takliflarni tanlab beradi, joriy xaridlarga mos keladigan qo‘shimcha tovarlarni topadi.

GulChatAI kelajagi qanday?

Muvaffaqiyatlarga qaramay, kompaniya GulChatAIʼni yaxshilash uchun yangi imkoniyatlarni izlashda davom etmoqda. Bugungi kunda Alif dasturchilar jamoasi bilan bir nechta yo‘nalishlarda ishlamoqda.

Kelajakda GulChatAI qarzlar haqida maʼlumot beradigan, mijozlarning savollariga rus, o‘zbek va qoraqalpoq tillarida javob beradigan, Alif Call-markazi uchun ovozli yordamchiga aylanadi. Ayni paytda ushbu texnologiyani integratsiya qilish uchun Yandex kompaniyasi muhandislari bilan hamkorlik qilinmoqda.

Shuningdek, GulChatAI 2.0 yordamida skoring jarayonlarini avtomatlashtirishni 90 foizdan oshirish rejalashtirilgan. Bu xodimlarni kundalik ishlardan ozod qiladi va ularga strategik vazifalarni ishlab chiqish uchun ko‘proq vaqt beradi.

GulChatAI — sunʼiy intellekt ish jarayonlarini bir necha bor yaxshilay olishiga yorqin misoldir. Matnli chat-botdan tortib, muddatli to‘lovni rasmiylashtirishga qadar bo‘lgan “Gulchatoy” bu keng ko‘lamli vazifalarni insondan ko‘ra tezroq va samaraliroq amalga oshiradi.

Kelgusida GulChatAI bozordagi o‘zgarishlarga moslashib, avtomatlashtirish va optimallashtirish jarayonlarida yangi standartlarni o‘rnatadi. Bu orqali Alif fintex bozorida texnologik yetakchilardan biri sifatida o‘z mavqeyini mustahkamlaydi.

Reklama huquqi asosida.