Korzinka “365 кун” брендини янгиламоқда: кенг ассортимент ва сифат – ҳар куни 

Бугунги кунда бренд 30 та тоифадаги 400 дан ортиқ товарларни бирлаштиради. Янгиланган қадоқдаги товарлар босқичма-босқич дўконлар расталарига чиқарилади.

Ўзбекистондаги энг йирик супермаркетлар тармоғи — “Korzinka” ўзининг “365 кун” савдо маркасининг янгиланган талқинини тақдим этди. Бу марка остидаги товарлар “Korzinka” тармоғида эксклюзив таклиф этилади, улар синчковлик билан сараланади ва харидорларга энг яхши нархларда тақдим қилинади. Энди, янгиланган қадоқ туфайли, уларни узоқдан ҳам осон таниб олиш мумкин.

Янги визуал услуб: замонавий ва функсионал

Korzinka янгиланган, анъанавий ва замонавий ечимлар мужассамлашган “365 кун” дизайн-концептини тақдим этди. Қадоқда одатий маъно ва визуал унсурлар янгича талқинга эга бўлади: ечим асосида босма тақвимлар ва қоғоз стикер-эслатмаларни ёдга солувчи, шунинг баробарида, гажетлардаги вижетлар ва иловалар ёрлиқчаларига ўхшаб кетадиган квадрат модуллар ётади. Қадоқ маънодорроқ ва лўндароқ тус олиб, ягона услубга бўйсунади ва супермаркетлар расталарида кўзга яққол ташланадиган бўлди. Шаффоф дарча-модуллар маҳслуот сифатини баҳолаш имконини беради ва бренднинг очиқлигини яққол кўрсатади.

Янгиланиш логотипни ҳам четлаб ўтмади. Ўзига хос тасдиқ ишорасига ўхшаш логотип маҳсулотнинг муносиб сифати кафолатланишини ва кун яхши ўтишининг ваъдасини акс эттиради.

Ҳар бир товар яхлит визуал услуб доирасида безатилган, бу брендни таниқли, шу билан бирга, турфа хил ва қизиқарли қилади. Бу услублар туфайли, “ҳар бир кун учун” товарлар брендининг мақомини анъанавий ва замонавий талқинини нафақат бирлаштиришга, балки бренднинг шаклланган тимсолини қўллаб-қувватлашга ҳам эришилди:

• хушмуомала, меҳмондўст ва оқкўнгил: “365 кун” исталган таъб учун товарлар таклиф этиб, барча харидорларга бағрини очиб пешвоз чиқади;
• оиланинг барча аъзоси учун: ёши ва нимани афзал кўришидан қатъи назар, оиланинг ҳар бир аъзоси учун товарлар танланмаси;
• ҳар бир кун учун: ассортимент турфа хил ҳаётий вазиятларни ҳисобга олади ва ҳаётни осонроқ, ҳар бир кунни эса, яхшироқ қилиш имконини беради.
• ҳар қандай ҳамёнга боп: қулай қадоқда ва энг яхши нархга эга, синчковлик билан сараланган товарлар.

Бренднинг ваъдаси: кенг ассортимент ва барқарор сифат – ҳар куни

“365 кун” йилда 365 кун ҳар бир харидор учун фойдали бўлишга интилади. У аллақачон болали оилалардан тортиб ёлғиз инсонларгача, уй бекаларидан то талабаларгача – барча-барчани бирлаштирувчи брендга айланди. Кундалик ҳаётнинг барча жиҳатларини қамраб олувчи товарлар ассортименти инсонларни мақомига кўра эмас, балки соғлом мантиқ ва кун, иш ҳамда ҳаётга нисбатан тўғри ёндашувга асосан бирлаштиришга ёрдам беради. “Korzinka” ҳар бир харидор кундалик ҳаётнинг барча жиҳатларини қамраб олувчи товарлар ассортиментидан ўзи учун нимадир топа олишига ишончи комил. Бизнинг шиоримиз “Ҳар куни яхши” экани бежиз эмас, бу нафақат товарларимизга, балки “Korzinka” билан ўтказадиган ҳар бир кунингизга ҳам тегишлидир.

Korzinka панд бермайдиган барқарор сифатини сақлаб қолган ҳолда ҳар бир кун учун турфа хил товарларни таклиф этаётганидан фахрланади. Харидорлар хотиржам бўлаверсинлар: товарни ҳар гал қайта-қайта текшириш шарт эмас – буни сиз учун ўзимиз аллақачон бажариб қўйганмиз. Сифат ва нарх мувозанати тежамкорлик билан саломатлик ўртасида оғир танловни амалга оширмай, зарур бўлган барча нарсани сотиб олиш имконини беради.

“365 кун” бренди ва ЎСМ ҳақида

“365 кун” – бу “Korzinka” супермаркетлар тармоғининг ўз савдо маркаси (ЎСМ)дир. ЎСМ – бу ишлаб чиқарувчига эмас, ритейлерга тегишли бренд. ЎСМ остидаги маҳсулот “Korzinka” тармоғида сотиш учун махсус тайёрланади ва юқори сифати ҳамда ҳамёнбоп нархи билан ажралиб туради. Korzinka бунга ишлаб чиқарувчилар билан тўғридан-тўғри боғланиш, ассортиментни оптимизациялаш, маркетингда тежаш ва ишлаб чиқаришнинг барча босқичларида сифат назорати орқали эришади.

“365 кун” брендининг янги қиёфаси Korzinkaнинг ўз харидорларига энг яхши нарх ва сифат нисбатини тақдим этиб, ҳар бир кунни яхшироқ қилишга интилишини тасдиқлайди.

Реклама ҳуқуқи асосида.