2022 йил бошида финтех бозорининг етакчиларидан бири бўлган Alif компанияси ўз фаолиятида сунъий интеллектдан фаол фойдаланишни бошлади. Компания ходимлари GulChatAI ёки туркий “Гулчатой” номига ҳамоҳанг бўлган ноёб АИ сервисини ишлаб чиқишди. Бугунги кунда “Гуля” компаниянинг қимматли ходимларидан бири бўлиб, кенг кўламли масалалар бўйича ёрдам кўрсатмоқда.

Компаниянинг мижозлар билан ишлаш бўлимига кирсангиз, “Гуля” ҳақиқий одам деган таассурот пайдо бўлади. Ходимларнинг ўзаро “Гулчатой шундай жавоб берди” ёки “Гулчатой нима деяпти?” деган гапларини эшитиш мумкин. Ҳозир у мижозлар ва ҳамкорлар билан рус ва ўзбек тилларида матн орқали мулоқот қилмоқда.

GulChatAI эволюцияси: қўлда ишлашдан автоматлаштиришгача

2020 йил охиридан бошлаб лимитлар ва муддатли тўловларга аризалар сони сезиларли даражада ошди, бу мижозларнинг хизматларга қизиқиши ва ишончи ошганидан далолат беради. Бозор талабларига жавобан компания лимитларни ҳисоблаш учун стандарт код ўрнига эксклюзив ечим ишлаб чиқди.

“GulChatAI 1.0 нинг биринчи версияси 2021 йилда ишга туширилган. Янги, яхшиланган версияси — GulChatAI 2.0 икки ойдан кейин ўз ишини бошлади. У берилган муддатли тўловлар асосида ишлаб чиқилган. Бугунги кунда “Гуля” нафақат мижозларнинг молиявий ҳолатини мустақил баҳолаши, балки аризаларни маъқуллаши ва харидлар учун лимит бериши мумкин,“ — дейди Alif Uzbekistan бош директори Нуриддин Лафизов.

GulChatAI қандай вазифаларни бажаради?

GulChatAI скоринг: ариза топширишдан муддатли тўловни расмийлаштиришга қадар 30 сониядан камроқ вақт

Айни пайтда GulChatAI 83% аризаларни кўриб чиқади. Умуман олганда, GulChatAI 100 га яқин омилни баҳолаб, аризаларни кўриб чиқиши учун ўртача 30 сония вақт кетади.

GulChatAI коллектор: юристларнинг АИ ёрдамчиси

GulChatAI мижознинг тўлов қобилиятини баҳолайди ва муддатли тўлов беради. Шунингдек, у қарздорларни саралайди — тўлаш учун энг кўп имкониятга эга бўлган мижозларни ажратиб олади. Шундай қилиб, сунъий интеллект юристларнинг KPI даражасини ва ундирилган қарзлар миқдорини оширади.

GulChatAI чат-бот: 24/7 алоқада

Масофавий хизмат кўрсатиш марказида (МХМ) Гулчатой мижозлар мурожаатларининг қарийб 70 фоизини кўриб чиқади. МХМда Гулчатойнинг жорий этилиши ходимларни одатий ишдан озод қилди. 10 дан ортиқ ходим ротациядан ўтди ва энди молиячи, дастурчи ва бошқа вазифаларни бажармоқда.

GulChatAI тавсия қилади: шахсий шоппинг ассистенти

Alif Шоп веб-сайтида GulChatAI товарларни топишда ҳар доим ёрдам беришга тайёр бўлган индивидуал харид ёрдамчиси сифатида ишлайди. GulChatAI фойдаланувчининг ҳаракатларини ва буюртмаларини таҳлил қилади ва мижознинг талабларига мос таклифларни танлаб беради, жорий харидларга мос келадиган қўшимча товарларни топади.

GulChatAI келажаги қандай?

Муваффақиятларга қарамай, компания GulChatAIъни яхшилаш учун янги имкониятларни излашда давом этмоқда. Бугунги кунда Alif дастурчилар жамоаси билан бир нечта йўналишларда ишламоқда.

Келажакда GulChatAI қарзлар ҳақида маълумот берадиган, мижозларнинг саволларига рус, ўзбек ва қорақалпоқ тилларида жавоб берадиган, Alif Call-маркази учун овозли ёрдамчига айланади. Айни пайтда ушбу технологияни интеграция қилиш учун Yandex компанияси муҳандислари билан ҳамкорлик қилинмоқда.

Шунингдек, GulChatAI 2.0 ёрдамида скоринг жараёнларини автоматлаштиришни 90 фоиздан ошириш режалаштирилган. Бу ходимларни кундалик ишлардан озод қилади ва уларга стратегик вазифаларни ишлаб чиқиш учун кўпроқ вақт беради.

GulChatAI — сунъий интеллект иш жараёнларини бир неча бор яхшилай олишига ёрқин мисолдир. Матнли чат-ботдан тортиб, муддатли тўловни расмийлаштиришга қадар бўлган “Гулчатой” бу кенг кўламли вазифаларни инсондан кўра тезроқ ва самаралироқ амалга оширади.

Келгусида GulChatAI бозордаги ўзгаришларга мослашиб, автоматлаштириш ва оптималлаштириш жараёнларида янги стандартларни ўрнатади. Бу орқали Alif финтех бозорида технологик етакчилардан бири сифатида ўз мавқейини мустаҳкамлайди.

Реклама ҳуқуқи асосида.