АҚШ Исроилни Эрон коалицияси ҳужумларидан ҳимоя қилиш учун Яқин Шарққа янги ҳарбий қисмлар жойлаштиради. Бу ҳақда Jerusalem Post нашри хабар берди.
Манбада айтилишича, 1 август куни АҚШ президенти Жо Байден ҳамда Исроил бош вазири Биньямин Нетаньяху ўртасида телефон мулоқоти бўлиб ўтган. Унда АҚШ етакчиси Исроилга ҳарбий ёрдамни давом эттиришга ваъда берган.
Байден Исроил раҳбарига тез фурсатда Исроилга янги ҳарбий контингент юборилишини маълум қилган Бу қарорга келишдан мақсад эса Исроил мудофаасини кучайтириш ҳамда Яқин Шарқдаги АҚШ манфаатларини ҳимоя қилишдир.
Телефон мулоқотида, Оқ уй маъмурияти раҳбари Эрондан келаётган барча таҳдидларга, жумладан, унинг “террорчи сунъий йўлдошларига” қарши курашда Исроил хавфсизлигини ҳимоя қилишга содиқ қолишини яна бир бор тасдиқлаган. Исроилга нисбатан ҳар бир таҳдид учун муносиб жавоб қайтарилиши билдирилган.
“Президент Исроилнинг таҳдидларга қарши мудофаасини, жумладан, баллистик ракеталар ва учувчисиз учоқларга қарши мудофаасини қўллаб-қувватлаш бўйича саъй-ҳаракатларни муҳокама қилди. АҚШнинг янги мудофаа ҳарбий қўшинларини Исроилга жўнатиш ҳақида сўз борди”, дейилган АҚШ томони телефон қўнғироғидан кейин эълон қилган баёнотда.
Президент Байден ваъда қилган ҳарбий контингент қандай ҳажмда бўлиши ҳамда қачон юборилиши ҳозирча маълум эмас. Икки мамлакат вазирлари тез орада норасмий келишув юзасидан қўшма баёнот эълон қилиши хабар қилинган.
Изоҳ (0)