Moskva AQSH va Janubiy Koreyaning birgalikda yadroviy rejalashtirishni amalga oshirish rejalaridan xavotirda. Bu haqda Rossiya TIV rahbari Sergey Lavrov ma’lum qildi.
Yana bir tashvishga soluvchi holat: Qo‘shma Shtatlar yaqinda Koreya Respublikasi bilan birgalikda yadroviy rejalashtirish to‘g‘risida bitim tuzdi, deydi Lavrov.
Vazirning so‘zlariga ko‘ra, hozircha bu nimani anglatishini tushuntirishning ham imkoni yo‘q.
Ammo bu qo‘shimcha tashvish tug‘dirishiga shubha yo‘q. Bundan tashqari, ular Yaponiyani birgalikda yadroviy rejalashtirishning ushbu sxemasiga kiritishga harakat qilmoqdalar, deya qo‘shimcha qilgan u.
Lavrov mintaqada turli “uchlik va to‘rtlik”lar yaratilayotganini ta’kidlagan. Uning ta’kidlashicha, AQSH, Yaponiya va Janubiy Koreya Koreya yarimoroli atrofidagi atmosferani faol ravishda kuchaytirmoqda, o‘z mavjudligini harbiylashtirmoqda va ochiqdan-ochiq harbiy harakatlarga tayyor bo‘lishga qaratilgan mashqlar o‘tkazmoqda.
Rossiyalik diplomatga ko‘ra, G‘arb orolda harbiy harakatlar uyushtirish orqali Tayvan bo‘g‘ozida qarama-qarshilik yondashuvlarini ilgari surmoqda.
Biz va xitoylik do‘stlarimiz Tayvandagi vaziyat haqida gaplashdik, bu yerda G‘arb o‘zining “yagona Xitoy” tamoyiliga sodiqligini og‘zaki tasdiqlasa-da, amalda juda qarama-qarshi yondashuvlarni ilgari surmoqda: Tayvanni qurollantirish, u yerga turli harbiy tadbirlar uyushtirish, deydi Lavrov.
Uning so‘zlariga ko‘ra, bularning barchasi, albatta, “yagona Xitoy” tamoyiliga ziddir.
Lavrov ASEAN davlatlari AQSHning mintaqada raketalarni joylashtirish xavfidan xabardor ekaniga umid bildirgan. U, shuningdek, ASEANga aʼzo davlatlar Rossiya prezidenti Vladimir Putinning Yevrosiyoda yagona xavfsizlik tizimini barpo etish tashabbusiga qiziqish bildirganini aytgan.
Izoh (0)