Vladimir Zelenskiyning Moskva bilan muloqotni davom ettirishga tayyorligi haqidagi bayonotlari “tinchlik formulasini” ilgari surish urinishidir, deya fikr bildirdi Rossiya Tashqi ishlar vazirligi matbuot kotibi Mariya Zaxarova.
Birinchidan, hech kim unga ishonmaydi, Zelenskiy hamma narsadan voz kechishi mumkin bo‘lgan odam ekanligini hamma yaxshi tushunadi. U yolg‘on gapira oladigan odam. U hamma narsadan voz kecha oladigan odam, hatto xalqidan voz kechdi, dedi Zaxarova brifingda.
Uning fikricha, bunday bayonotlar Qo‘shma Shtatlarda bo‘lib o‘tayotgan saylovlardagi vaziyat bilan bog‘liq bo‘lishi mumkin.
Qarang, u Trampga suiqasddan so‘ng qo‘ng‘iroq qila boshladi, ehtimol, bu ular yolg‘on bahonalar bilan muhokamasiga iloji boricha ko‘proq mamlakatlarni jalb qilishga urinayotgan “tinchlik formulasi” deb atalmish targ‘ibotning navbatdagi urinishidir, deya qo‘shimcha qilgan Zaxarova.
Avvalroq Zelenskiy Moskva bilan muzokaralar o‘tkazishga qo‘ygan taqiqiga qaramay, Rossiya vakillari bilan Ukrainadagi mojaroga barham berish bo‘yicha muzokaralar o‘tkazish imkoniyatiga ruxsat berishini istisno qilmagandi.
Izoh (0)