Ijtimoiy tarmoqlarda Toshkentda Spark avtomashinasi haydovchisi skuter haydovchisini urib yuborgani aks etgan videolavhalar tarqaldi. Holat yuzasidan Toshkent shahar IIBB YHXB axborot xizmati munosabat bildirdi.
Maʼlum qilinishicha, 26-iyun kuni soat 18:30 larda Yunusobod tumani Amir Temur ko‘chasi NBU qarshisida haydovchi 1990-yilda tug‘ilgan B.I. Spark avtomashinasini boshqarib ketayotib, bir yo‘nalishda harakatlanib ketayotgan haydovchi 2000-yilda tug‘ilgan B.A. boshqaruvidagi skuter bilan to‘qnashuv sodir etgan.
Hodisa oqibatida skuter haydovchisi tan jarohat olib, shifoxonaga yotqizilgan.
Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.
Izoh (0)