Kongodagi tadqiqotchilar Mpox Clade 1b virusining yangi shtammini eng xavfli deb atadi va u butun dunyoga tarqalishi mumkinligidan ogohlantirdi. Bu haqda Sky News xabar berdi.
Olimlar 2023-yili maymunchechak nomi bilan mashhur bo‘lgan Clade 2 Mpox’ning odamdan odamga yuqishi bilan bog‘liq birinchi holatni aniqlagan. Bu holat Vyetnamda sodir bo‘lgan. Mazkur virus yanada og‘irroq simptomlarga egaligi, kasallikdan o‘lim yuqori bo‘lishi aytilmoqda. Clade 2 kabi, Clade 1b infeksiya joyida kuchli pufakchali toshmalar paydo bo’ladi. Ammo alomatlar yanada og‘irroq bo‘lib, toshma ko‘pincha butun tanaga tarqaladi.
Kongoda kasallanishning yangi holatlarning aksariyati jinsiy yo‘l bilan yuqqan, ammo yangi shtamm odamdan odamga osonroq tarqalishi mumkin. Maymunchechakning yangi turi ayollarda homila tushishiga ham olib kelgan. Mpox virusining xavfli yangi shtammi tarqalishini kuzatayotgan olimlar “tayyorgarlik vaqti kelgani”ni ta’kidlamoqda.
Shtammning xavflilik darajasi to‘liq baholanmagan, chunki faqat kasalxonaga yotqizilgan bemorlarning holatlari o‘rganilgan. Biroq, dastlabki hisob-kitoblarga ko‘ra, undan o‘lim darajasi kattalar uchun 5 foiz va bolalar uchun 10 foizni tashkil qiladi.
Bu Mpoxning barcha ma’lum shtammlari ichida eng xavflisi. Hamma tayyor bo‘lishi kerak, — dedi Ruanda universitetidan Jan-Klod Udaxemuka.
Bugungi kunga qadar Clade 2 Mpox infeksiyasining 97 mingdan ortiq holatlari bor, Buyuk Britaniyada deyarli 4 mingta holat kuzatilgan. Aksariyat holatlar yengil bo‘lib, o‘lim darajasi 0,5 foizdan kam.
Qancha odam yangi shtamm bilan kasallangani noma’lum bo‘lsa-da, Kongodagi shifokorlar mingdan ortiq yuqtirgan odamni aniqlagan.
Izoh (0)